كتبت : مريم يعقوب
أعربت الإعلامية وخبيرة التجميل أسما شريف منير، عن تضامنها الكامل مع القضية الفلسطينية والأشقاء في قطاع غزة، مؤكدة أن ما يحدث هناك من قصف للمدنين الأبرياء يستوجب ضرورة الاقتراب من الله بالأعمال الصالحة وحب الوطن بجانب دعم الأشقاء هناك.
نشرت أسما شريف منير عبر حسابها الرسمي على “إنستجرام”، فيديو تحدثت فيه عما تشهده الأراضي الفلسطينية الآن من حرب بين إسرائيل وحماس، وصورة الإسلام التي باتت أفضل جراء هذه الأحداث، معتبرة أن ما يحدث درس للعالم أجمع.
قالت اسما:” بقالي 15 يوم ملتزمة في الصلاة والموضوع مريحني جد خاصة إني مبقتش أخرج كتير وده مخليني متلزمة أكتر وكل مرة ببقى كدة وبعدها الدنيا تلهيني لكن أنا بحاول ونفسي أفضل منتظمة لحد ما أموت ، بعد الصلاة حسيت إني مستعدة أموت عادي أنا كان نقصني حاجات كتير أوي ومكنتش عارفة هقف قدام ربنا ازاي، دلوقتي مش خايفة أنا حاسة اني عادي إن أموت في أي وقت بحس اني هادية وربنا حاميني ومحدش يقدر يأذيني ونفسي أفضل مكملة”.
هاجمت أسماء شريف منير بعض الأشخاص الذين يقومون بسب آخرين قائلة:” اللي بيشتموا دول معملوش حاجة، أنت شايف لما بتشتم حد بتاخد حسنات؟ أنت كده دكر أنت كده محصلتش؟ بتتعلم إيه وبتعلم اللي حواليك إيه؟، ربنا يهديهم وأنا ولا بفكر في الناس دي ، اللي بيزعلني أن الناس اللي بتشتم دي أكثر ناس مدعيين ولو دخلنا عندهم بنلاقي كاتبين لا إله إلا الله وفلسطين الحرة، أنا مش شيخة أنا إنسانة نفسي اتعامل مع بني آدمين طيبين، والدين أخلاق سواء إسلامي أو مسيحي، واللي الناس بتعمله ده مش منطقي، لازم نتعلم منبقاش همج ونعمل اللي دينا قال عليه باللي نقدر عليه، أنا مش محجبة وبغلط في حاجات، واللي بيحصل ده لازم يعلمنا حاجة، بلاش ادعاء وتوكلوا نفسكم إنكم تربوا الناس ، لو أنت شايف إني مش مسلمة وطلعتني من الديانة، هل علشان أدخل تاني الإسلام شايف أن دي الطريقة اللي تدخلني بيها تاني؟ يا جماعة والله العظيم ما ينفع اللي بيحصل ده، والله في ناس مافيش فيها فايدة وموجودين علشان نتعلم أن منبقاش زيهم، أنا مش زعلانة إنهم بيشتموني أبدًا ومحصنة نفسي منهم”.
استطردت اسما حديثها :” لازم تحمد ربنا أن عندك بلد وجيش يحميك ، وكل اللي بيحصل ده ليه سبب وفي ناس بتكتب عنده فلسطين الحرة وتلاقيه بيشتم وبيعمل حاجات مش حلوة في حياته، واللي بيبقى عنده نقمة على البلد بتاعته أو أي حاجة بتحصل في سياستها لازم يحمد ربنا أن أنت عندك بلد وجيش بيحميك”.
أحدث التعليقات