كتبت :أميرة خالد

كشف السيناريست عمرو محمود ياسين كواليس مسلسل «55 مشكلة حب»، مؤكدا أنه يحب فكرة التنوع في الحكايات وأنه معتادٌ هذا الأمر.

وقال عمرو محمود ياسين في مداخلة مع برنامج «كلاكيت» على إذاعة «نجوم إف إم»: «الدراما دايمًا بتفرض نفسها كشخصيات وأحداث هي اللي بتدي الطعم المختلف، ففي الحكاية الأولى كنا بناقش فيها قضية صلة الرحم والتعرض لمرضى الزهايمر ده بيفرض عليك نوع معين وطبيعة شخصيات معينة بتلجأ لها في النوع ده من الحكايات».

وتابع:«أنا متعود على التنوع، فمسلسل (نصيبي وقسمتك) أربعة مواسم، قدم أكثر من خمسين قصة، وفكرة كل خمس حلقات بروح لفكرة جديدة ده شىء معتاد عليه، حكاية (ما تيجي نشوف) بتكلم عن الشك وإن للحقيقة زوايا أخرى، ودي حاجة بتقيدنا في الأيام اللي بنعيشها دي، فللحقيقة زوايا عديدة، فـ(ما تيجي نشوف) فرضت نفسها بتناول فكرة علاقة الأزواج بيتجمعوا في مكان ما، ونتيجة هذا التجمع من إيجابيات وسلبيات».

وأوضح: «حكاية (عيشها بفرحة) فكرة قدمت فيها قطاعا كبيرا من مجتمعنا، وهم المصابون بالإعاقة، وهو قطاع غير مسلط عليه الضوء بشكل كاف. وحبيت أقول إن هما قادرين وزيهم زينا ويمكن تكون الإعاقة مش فيهم هما بل في المجتمع نفسه».