كتبت: ريهام محمد
تحدث الفنان أحمد سعد عن عودته لطليقته علياء بسيوني وسبب إعلان هذا الأمر خلال حفل له.
وقال أحمد سعد: «كنت عايز أعمل كده على المسرح عشان عايز أقول حاجة أن مهما كان الناس بينهم خلافات ومشاكل وناس غلطت في نرفزة أو ناس عملت حاجات ضايقت بعض ليه منديش بعض فرصة جديدة ونبص لبعض بشكل الحياة مختلف».
وتابع أحمد سعد: «إحنا في بينا عيال وحتى العيال دي تحس إننا عملنا اللي علينا، قولنا تيجي ندي نفسنا فرصة نبص لبعض بعين مختلفة، هي مش فترة تعارف أنا عارف علياء وأخلاقها دي أم عيالي نبص على بعض لتقبلنا للمشاكل وحياة بعض هي متغيرة معايا وأنا متغير معاها جدا لما حسيت أن فعلا الحياة بيها أحسن».
وعن موعد زواجهما قال أحمد سعد: «تعدي فترة كده معينة وبعد كده نعمل إن شاء الله الفرح والولاد يبقوا لابسين لبس الفرح معانا».
وكان أحمد سعد أعلن عودته لطليقته علياء بسيوني خلال حفله في الساحل الشمالي ضمن احتفالات اليوم الوطني السعودي الـ94.
ونشر أحمد سعد عبر حسابه على Instagram فيديو من الحفل وهو يتحدث للجمهور وكتب تعليقا عليه: «باركولي أنا خطبت».
وقال أحمد سعد: «في يوم جميل زي ده طبعا أنا كنت متجوز من سنتين وعندي عيلين، فين بس مراتي اللي هي دلوقتي بقيت خطيبتي، إحنا اتطلقنا يعني بس قررنا قرار أنا حبيت أقوله قدامكم إن إحنا نعمل فترة خطوبة حتى العيال تحضرها بالمرة».
أحدث التعليقات