وائل كفورى يدعم البلوجر سارة محمد بعد فقدانها البصر

وجه النجم اللبناني وائل كفوري رسالة صوتية إلى البلوجر سارة محمد لدعمها نفسياً بعد فقدانها البصر نهائياً جراء حادث أليم تعرضت له مؤخراً، وطالبها بالأمل في المستقبل، مؤكداً أنها مهما حدث ستظل جميلة في قلوب وأعين من تحبهم.

الرسالة تم نشرها عبر الحساب الرسمي للإعلامية ريهام سعيد على إنستجرام، وتضمنت رسالة كفوري العديد من عبارات الدعم والمحبة لـ سارة وعن عدم يأسها مضيفاً: “القادم هو أحلى ومهما حصل ستظل كما هي في أعين من تحبهم”.

وكشفت البلوجر سارة محمد عن تفاصيل حياتها بعد الحادثة التي تعرضت لها وإصابتها بالعمى، مؤكدة رضاها بكل ما كتب عليها من تغيرات صادمة في حياتها، وتمنت فقط أن تتوقف حملة الشائعات التي تلاحقها، وأشارت إلى أن حالتها النفسية تحسنت قليلاً بعد حملة الدعم المتداولة حالياً على مواقع التواصل الاجتماعي، كما توجهت برسالة لمرتكبي الحادث.

وأضافت سارة محمد في لقاء مسجل ببرنامج صبايا الشمس مع المذيعة ريهام سعيد، عرض بعد ساعات قليلة من إعلان فقدانها البصر نهائياً: “أكتر حاجة مقوياني دعمكم ليا النفسي، وأنا راضية باللي ربنا قسمهولي، بس اللي أنا بقوله إن اللي أذوني دول بني آدم شبهي، ولغاية دلوقتي محدش جه قالي دول نزلوا صور اللي عمل كدا”.

وواصلت قائلة: “مش عايزة أقول أي حاجة، بس خلاص بقى بطلوا تتكلموا عني وتطلعوا إشاعات، أنا رافضة أني أقول أي حاجة، وبشكر كل الناس اللي بتدعمني وبتقول كلام كويس، وبقولهم انتوا حسنتولي نفسيتي كتير، ومكنتش متخيلة أني هلاقي ناس كتير كدا بتحبني ومهتمة بمرضي”.

وتابعت سارة:” عايزة أقول إن عمرو الوحيد هو اللي عندي 24 ساعة، مش بيسبني، عمرو الوحيد هو اللي بثق في أي حاجة هو بينزلها، لأنه مش بينزل حاجة من غير ما يكون معرفني، وهو قاعد في بيتنا وقاعد مع أهلي”.