كتبت: مريم يعقوب

تمت استضافة المطربة اللبنانية إليسا كضيفة على برنامج “بيت السعد” الذي يقدمه الفنانان أحمد سعد وعمرو سعد في أولى تجاربهما الإعلامية.

تحدثت إليسا عن جوانب من حياتها الشخصية وأدلت بتصريحات حول مواضيع أثارت جدلاً في المجتمع.

كشفت الفنانة إليسا عن رأيها في المساكنة قبل الزواج قائلة:” أنا مش ضدها، وشايفاها عادي، بس أنا عمري ما عملت كده، بس بتكون حل للأزواج عشان ميحصلش طلاق فيما بعد، المجتمع اللي حوالينا رافضها بس أنا مش ضدها”،ليرد عمرو سعد عليها قائلا:” أنا ضد الموضوع ده تماما، أني أجيب بنت تقعد مع ولد عنده 16 سنة دي قلة أدب، لأن أكتر حد بيتأذي في الحاجات دي هي البنات، حتى في أوروبا البنات بتتبهدل بسبب العلاقة دي”.


وعن سؤالها في دخولها في قصة حب، صرحت: «قبل كدا دخلت في علاقة حب مع شخص وعرفت في نص العلاقة إنه متجوز، سبته عشان محبتش أبني سعادتي على حساب ست تانية، وهو زي كل الرجالة قالي بينا مشاكل وهنطلق، بس موافقتش أكون ست تانية».

وأردفت: «أنا مع أن الشخص يتجوز زوجة تانية بس مايسبهاش، بس أنا بيئتي وثقافتي مينفعش يكون فيه زوجة تانية، أنا مقبلش».

كشفت إليسا في برنامج «بيت السعد»، مع أحمد وعمرو سعد، عن مواصفات فتى أحلامها، بعد سؤالها من الثنائي عن السمات التي يجب أن تكون متوفرة في فتي أحلامها، فقالت: «أنا مش صعبة أوي، بس اللي هيجذبني للشخص الكاريزما بتاعته، شكله ييجي بعد كدا، والكاريزما غير الشكل ونفس الشيء عند البنات، والشخص اللي عنده كاريزما أفضل من الشخص اللي شكله حلو».