كتبت : مريم يعقوب
تنازلت زوجة ضحية عصام صاصا مطرب المهرجانات أمام المحكمة عن اتهام عصام صاصا بالقتل الخطأ لزوجها الراحل، بمحض إرادتها عنها وعن أولادها، حيث قالت أثناء مثولها أمام المحكمة:” أنا حضرت النهاردة علشان اتنازل عن القضية لوجه الله بالنيابة عنى وعن أولادى الأربعة”.
كشف مصدر أن عصام صاصا قدم 3 ملايين جنيه لأسرة الضحية، على هيئة شيك بمليون جنيه وشنطة بها نصف مليون نقداً، والباقي لحين التنازل أمام المحكمة وهو ما حدث اليوم.
علق مؤدي المهرجانات عصام صاصا، على تنازل زوجة ضحية الدهس و ذلك عبر حسابه على موقع “إنستجرام”: “الحمد لله على كل حاجة أنا راضي بقضاء ربنا سبحانه وتعالى، أنا كان أهم حاجة أرضي أهل المتوفي وميكونوش زعلانين مني”.
أضاف صاصا: “أنا عملت اللي عليا وكل حاجة بتاعت ربنا، لأن ربنا وحده اللي عالم أنا كنت عامل إزاي بسبب الحادث وأنا عارف إن ربنا مش هيسيبني ودايما جمبي، والحمد لله تاني ربنا بيجيب كل حاجة كويسة، أدعولي أنا محتاج دعوة من كل واحد.. أوعوا تنسوني”.
تفاعل مع تدوينته مؤدي المهرجانات حمو بيكا، وعلق: “ربنا يعديها علي خير إن شاء الله يا حبيبي.. أنت نضيف من جواك وربنا هيقف معاك وكلنا في ظهرك لحد متعدي أزمتك على خير”.
أحدث التعليقات