كتبت : أميرة خالد
أعلنت الفنانة بسنت صيام، عن انتهائها من أداء شعائر العمرة للمرة الثانية، وإهداء ثوابها للفنانة الراحلة سعاد حسني، وأشارت إلى أنها كانت تنوى فعل هذا الثواب منذ طفولتها.
ماذا قالت بسنت صيام عن عمرتها لـ السندريلا؟
ونشرت بسنت صيام فيديو، عبر حسابها الرسمي بموقع التواصل الاجتماعى «انستجرام»، وعلقت قائلة: «وعدت ووفيت يا ست سعاد، الحمد لله وربنا يتقبل، العمرة التانية اللي عملتها كانت لسعاد حسني، وعد كنت وعدته من وأنا صغيرة إن أول ما ربنا يكتب لي عمرة هاعملها واحدة، حبي ليها مش حب عادي اللي يعرفني عارف أن بيتي كله صورها عندي لبس وشنط وحاجات كتير عليها صورها، أنا حبيت الفن منها وأنا صغيرة كنت عايزة أمثل عشان أمثل افلامها بس مش هو ده الحب أنا باحبها اللي هو دايمًا بترحم عليها وادعيلها واقرالها قرآن».
وأضافت: «طول عمري شايفة اني معنديش هدية اكبر ولا احلى من العمرة اهديها بيها والحاجة الوحيد اللي ممكن تكون هي محتاجاها وكمان هي معندهاش أولاد، وللأسف على قد ما الناس كلها بتحبها الناس مبتفتكرش تترحم ولا تدعي للفنانين معرفش ليه».
وتابعت: «مكنتش ناوية اتكلم في الموضوع ده عشان دي حاجة بيني وبينها وبين ربنا بس بقالي شوية بضايق وبستغرب اوى ازاي الناس تكون بتحب فنان أو فنانة اوى ويجروا عشان يتصوروا معاهم وفي نفس الوقت يقطعوا فيهم ويشتموهم ويستحلوا الكلام في عرضهم كدة، بجد حاجة مخى مش فاهمها، كله كوم بقى ولما يبقى الكلام ده على حد أتوفي والفكرة أن ديماً الناس دي بتتكلم بالدين طب ده حتى الدين بيقول أذكروا محاسن موتاكم، نفسي تاخدوها حاجة كدة وانتوا بتتفرجوا على التليفزيون ولقيته ممثل بتحبوه واتوفى خدوا عشر ثواني اقروا له الفاتحة ولو يا سيدي شايف أن اللي بيعمله حرام قول لنفسك كدة معناه انه محتاج الدعوة أكتر».
أحدث التعليقات