كتبت: مريم يعقوب
تعرضت شقة الفنان تامر عبد المنعم بالدقى إلى سرقة مشغولات ذهبية ومتعلقات أخرى، وتم إبلاغ الأجهزة الأمنية.
تلقى العميد عمرو حجازي، رئيس قطاع شمال الجيزة، إخطارا من المقدم عمرو فاروق، رئيس مباحث الدقي، يفيد فيه بحضور الفنان تامر عبدالمنعم إلى ديوان القسم، وحرر محضرا ضد الخادمة التي تعمل عنده وتدعى «هبة. ر» 35 عاما، بتهمة سرقة مشغولات ذهبية وساعتين، وهاتف محمول، وسماعات إير بود من داخل شقته، وتكثف مباحث الدقي جهودها لضبط المتهمة، وتولت النيابة التحقيق.
قال تامر عبد المنعم: عندنا شغالة في البيت نازلة إجازة، فهي كانت نازلة وعايزة تاخد معاها كيس الزبالة وزوجتي كانت لوحدها في البيت، وقالتلها البواب بياخدها، البنت أصرت إنها تاخد الكيس ومراتي أصرت إنها متاخدهوش، وبعد ما مشيت من غير الكيس فوجئنا أنها كانت مخبية مقتنيات مهمة، للأسف الشديد وحظها العاثر يعني إن مراتي عرفت الموضوع، ولما دورنا لاقينا حاجات تانية مسروقة ومش موجودة، في منهم ساعتين غاليين كارتتيه وروليكس، وخواتم ألماظ لـ زوجتي، وموبايل غالي جدًا وحاجات كتير اللي قدرنا نكتشفه إلى الآن.
أضاف تامر عبد المنعم: كلموها من المكتب إنها تيجي بشكل ودي لأن لو بلغت سرقة مش هعرف اتنازل بعد كدة، توجهت بعد كده لقسم شرطة الدقي اللي أنا تابع له، والحقيقة الناس مشكورة بداية من مساعد أول وزير الداخلية اللواء هشام أبو النصر مدير أمن الجيزة، ورئيس قطاع شمال اللواء إيهاب خلاف، ورئيس مباحث عمرو فاروق، ومفتش المباحث مصطفى بيه خليل، والضباط.
استكمل عبد المنعم: أنا كنت في غاية السعادة أنهم وقفوا معانا بهذا الشكل، وعليه أخذنا الإجراء القانوني وفي انتظار التحقيقات، وإلى الآن جارٍ البحث ولسة مش عارفة حاجة، أنا قدمت البلاغ ومنتظر أن حد يكلمني، وأنا كلي ثقة وعلى يقين أن وزارة الداخلية المصرية هتقدر تحل الموضوع.
اختتم تامر عبد المنعم: المقتنيات بفلوس كتير مش حاجة قليلة، بنتكلم في رقم كبير، ربنا يستر ويرجعوا ورجالتنا في الداخلية يستطيعوا إنهم يضبطوا هؤلاء.
أحدث التعليقات