كتبت: مريم يعقوب
صرح الفنان مراد مكرم أثناء عرض فيلمه (حسن المصري) الذي يقوم بمشاركة البطولة فيه مع كلا من: أحمد حاتم، لينا صوفيا، دياموند بو عبود، مراد مكرم، فريال يوسف. والفيلم قصة نورا لبيب، سيناريو وحوار سمر طاهر ومن إخراج سمير حبشي، بعدة تصريحات نارية فهيا نتعرف عليها.
قال الفنان مراد مكرم عن مدى استيائه من طريقة النقد الذي يقوم الجمهور بتوجيهها إلى الفنانين على جميع مواقع السوشيال ميديا بشكل متواصل بطريقة فيها قلة ذوق حيث قال:
“فيه فرق بين النقد والجليطة وقلة الذوق، وإحنا بقينا على السوشيال ميديا وبشكل عام مش بنعمل حساب لمشاعر الفنان اللي هو إنسان، وفيه ناس بتطلع غلبها ومشاكلها في الفنانين، والفنان ده بيعمل لك الترفيه اللي بيبعد دماغك عن مشاكلك ولو مؤقتا، أنت بقى عاوز تفعصه هتستفيد إيه.. طيب تعالى نقلب الآية لو أي حد فعصك هتتبسط؟.”.
عبر مكرم عن رأيه حول أزمة طارق الشناوي ومصطفى قمر، قائلا: الناقد لو هينقد بطريقة علمية محترمة على راسي من فوق، لكن لو هيتكلم بأسلوب لا يليق يبقى مش ناقد.أضاف مراد مكرم عن رأيه في مشاركته بالسينما مسترسلا:”مليش في الكلام ده، أنا راجل بتاع فن لما يجي دور حلو بعصر دماغي وكل مشاعري وأطلعها، ولكن ماليش علاقة بحسابات السوق و نمبر وان والكلام ده مليش فيه، أنا الدور بالنسبة لي رد فعل الناس لو حلو و المنتج إذا انبسط هيجبني في أفلام تانية الموضوع أبسط من كده بكتير، وأنا مش بقيم نفسي، أنا بقيم نفسي كممثل و بشتغل وبس و الحسبة دي مش بفهم فيها خالص”.
استنكر الفنان مراد مكرم شكوى بعض الفنانين من قلة العمل، وعدم منحهم فرصا للمشاركة في أعمال فنية، موجهًا نصيحة قائلا:” ربك بيرزق من كذا حتة وفيه ناس بتشكتي أنه مش بييجي لها شغل، وخاصة الشباب، ويمكن ربنا مش رايد له أو يمكن ربنا مش رايد لهم دلوقتي وهيعملو أحسن بعدين، أو يمكن مش رايد لهم الشغلانة دي أصلا، ليه محدش بيفكر في الجزء ده ، أنت تنحت في الصخر وتعمل أحسن ما عندك ولو جت تقول أشكرك يا رب ما جتش يبقى مش بتاعتي، ما مشيش أقول أنا مش لاقي شغل، لأ الشغل كتير أوي مش بس في مصر فيه منصات وقنوات في كل حتة في العالم لو أنت موهوب هتشتغل”.
أحدث التعليقات