كتبت: هاجر محمود
منذ انتهاء عرض مسلسل «عمر أفندي» ويطالب الجمهور بضرورة تقديم جزء ثان من العمل، حتى أن البعض فسر النهاية أنها تتيح لتقديم الجزء الثاني.
ورد المخرج عبد الرحمن أبو غزالة على سؤال الجمهور حول إمكانية تقديم الجزء الثاني من مسلسل «عمر أفندي» وقال خلال لقائه في برنامج «أسرار النجوم» من تقديم إنجي علي عبر إذاعة وقناة «نجوم FM»: «مفيش حاجة رسمي إننا هنعمل جزء تاني ممكن نعمل وممكن لأ لسه هنشوف أنا والمؤلف مصطفى حمدي هنروح لفين لو لقينا إنها تستحق جزء تاني هنعمل لو لأ نخلي الجزء الأول بهيبته».
وخلال اللقاء تحدث المؤلف مصطفى حمدي على الجدل الذي أثير بسبب جملة «حاجة 13 خالص» وإشارة الفنان علي الطيب إنه استخدم هذه الجملة في مسلسل «أهو دا اللي صار» قبل سنوات.
وقال: «علي الطيب هو فعلا طيب على المستوى الشخصي إنسان كويس ومش شرير لكن التبس عليه الأمر، الجمل دي هي اتقالت في أفلام موجودة وكانت بتتقال في الفترة الزمنية ومع الوقت اندثرت».
وتابع مصطفى حمدي: «اللي حصل هو قالها في عمل وإحنا قلناها في عمل زي كلمات «سعيدة» و«ممنون»، هو علي الطيب اتضايق وأنا مش عارف اتضايق ليه هي مش ملكية فكرية أو خاصة لحد جملة بتتقال في الزمن دا، بعد كده هكتب صباح الخير واستأذن الممثل اللي قال صباح الخير لأنه قالها في مسلسل تاني».
مسلسل «عمر أفندي» بطولة أحمد حاتم، رانيا يوسف، آية سماحة، مصطفى أبو سريع، محمد رضوان، ميمي جمال، ومحمود حافظ، ميران عبد الوارث، إسماعيل فرغلي، والمسلسل من تأليف مصطفى حمدي، وإخراج عبد الرحمن أبو غزالة.
أحدث التعليقات