كتبت: مريم يعقوب
أعلن الناقد الفني طارق الشناوي، عن مقاضاته للفنان مصطفى قمر، مؤكدًا: “لازم يعاقب قانونا على حالة الانفلات اللي هو فيها ومهما كان الهزيمة اللي بيعيشها هذا لا يبرر إنه يهاجمني”.
استطرد الشناوي حديثه:”رد مصطفى قمر يحمل سب وقذف علني وعلشان كده هاخد إجراء قانوني ضده، نقابة الصحفيين جزء من المنظومة اللي بتحافظ على حرية التعبير، هيبقى فيه إجراء نقابي ضده وبعد كده فيه إجراءات قانونية من خلال النقابة، أنا مهاجمتش مصطفى قمر، نقدت فيلم فاتشتمت فعلشان كده هاخد حقي بالقانون، وإزاي يحكم إني مشوفتش الفيلم ده خطأ عند اللي بيحكم هو معايا 24 ساعة ده من ضمن الأسلحة الفاسدة اللي مردود عليها، طيب لو قلت رأي إيجابي كان هيعجبك وتقول إني شوفت الفيلم”.
اختتم حديثه قائلا: “ما كتبه مصطفى قمر ضدي شتيمة وتعبيرات تدينه أمام الرأي العام والقانون وأنا مش هتنازل عن حقي حتى لو اعتذر لإنه سب وقذف علني يضعه تحت طائلة القانون يؤدي إلى السجن وأنا هافضل وراء القانون ولازم يعاقب قانونا على حالة الانفلات اللي بيعيشها ومهما كان الهزيمة اللي بيعيشها لا يبرر إنه يهاجمني”.
يذكر أن رد المطرب مصطفى قمر على الانتقاد الذي وجهه الناقد الفني طارق الشناوي لفيلم “أولاد حريم كريم”قائلا:”بيقول عني مطرب فاشل، كيف ذلك بعد 35 سنة نجاح وألبومات، وحفلات داخل مصر وخارجها”.
أحدث التعليقات