كتبت: مريم يعقوب

نشر الفنان محمد صبحي فيديو للفنانة إلهام شاهين كشفت خلاله عن رأيها في مسرحية «عيلة اتعملها بلوك»، الذي واجهه من خلالها الفنان عدة أزمات في الأيام القليلة الماضية.

قالت الهام شاهين فيه:” انا بشكر الفنان الكبير محمد صبحى، استمتعت جدا بمسرحية عيلة اتعملها بلوك، مر قصاد عينى تاريخنا كله من أيام الرئيس عبدالناصر وما قبله الرئيس السادات ثم مبارك، ثم العصر اللى احنا عايشين فيه”.

استرسلت الهام رسالتها :” بشكل رائع وجميل وتأثير كل فترة سياسية مرت على الشعب المصري، والتغيرات اللى حصلت في المجتمع، والمسرحية على قد ما استمتعت بس قلبي اتوجع بالتغير اللى حصل في العائلة المصرية”.

تابعت شاهين حديثها: “حياة الناس اللى بقت على السوشيال ميديا، في ناس بتكون مع بعض بس منفصلين في حياتهم مفيش كلام بينهم ومش شايفين بعض، الإنسانيات اللى كانت موجودة الحياة التكنولوجية قضت عليها، العرض ده ممكن يفوقنا ويقولنا لازم نفهم أن الأسرة هي رمز للوطن العربي كله”.