كتبت : مريم يعقوب
نشر النجم تامر حسني عبر حسابه على موقع التواصل الاجتماعي انستجرام Instagram صورته من داخل الاستديو اثناء تسجيله أغنية جديدة
وقال تامر حسني: “كنت بسجل أغنية دراما من اللي بتحبوها عارفكو أنا، بس من العيار الأتقل من التقيل”.
سيقوم تامر حسني بطرح الأغنية وقال “إن شاء الله هتنزل بعد اللي جايه أما اللي جايه بقى فيها مفاجأة هتحبوها أوي إن شاء الله صباح الجمال عليكم يا أغلى الناس”.
الجدير بالذكر ان تامر حسني كتب مؤخرا عبر حسابه بموقع التواصل الاجتماعي Instgram مايشير الى رده على بعض التعليقات المزعجة عن حياته الخاصة قائلا “ملاحظ إن في بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتي الشخصية، ده غلط يا جماعة، ألًا مش أنا اللي ممكن أعمل كده ورغم الظروف الحالية،، مازلت أكن لبسمة كل الحب والاحترام، ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عنيا مش هتأخر”.
واستكمل : “تاني حاجة أنا بحب أهزر معاكم دايما من يوم طلوعي لو في أغنية أو نكتة حلوة أو إفيه حضر في دماغي أنا على طبيعتي معاكم، ثالث حاجة الفنان الحقيقي اللي بيعبر عن مشاعر كل الناس في كل حالاتهم، يعني أنا بفرح لما بلاقي أغانيا بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا”.
أحدث التعليقات