كتبت : مريم يعقوب
كشف الفنان أحمد سعد عن أصعب مرحلة في حياته، حيث أكد أنها متمثلة في خروجه من علاقته الأخيرة.
وقال أحمد سعد في برنامج «ABtalks» عبر يوتيوب: «أصعب مرحلة في حياتي خروجي من علاقتي الأخيرة، لأن كل المقاييس المعلنة والظاهرة حتى فيه حاجات بينك وبين نفسك بتقول إن أنت مكنش المفروض تخرج».
وتابع: «حياتك ماشية وشغلك زي الفل وبتنتعش، بس أنا حسيت ساعتها إنها أنانية، لأن أنا لو عايز مصلحتي مش مصلحتنا كل الظروف بتقول إني لازم أكون موجود في العلاقة، حسيت دي مصلحتي أنا لوحدي مش مصلحة علاقتنا ببعض».
وأوضح: «بدأت علاقتنا ببعض تدوب وتنتهي وتتحول لشغلي، هي بتهتم بتفاصيل شغلي، بدأت علاقتي بيها تروح، وعلاقتي أنا بشغلي وعلاقتها هى بشغلي تبقى هى الجزء الأكبر، وكان من الصعب جدا إن أنا أخرج من العلاقة والعيال في وقت وسن زي ده».
أحدث التعليقات