كتبت : أميرة خالد
كشفت الفنانة إلهام شاهين، عن رأيها في فكرة الرقابة وحدود دورها تجاه المبدعين، حيث أكدت أن الرقابة رفضت لها أفلام مهمة، ووافقت على أفلام أخرى، ليست على ذات القدر من الأهمية.
وأضافت في لقاءها مع الإعلامي خالد أبوبكر في برنامج كل يوم على قناة on: «أعتقد أن الموضوع في النظام العام لفكرة الرقابة، لازم يدونا الثقة ونبقى احنا رقباء على أنفسنا».
وتابعت: «إحنا مش هنعمل حاجة ضد بلدنا ولا فننا، إحنا رقباء أنفسنا».
وأوضحت: «أنا بعترض ساعات أن بيكون فيه أفلام تافهة جدًا يتوافق عليها، أنا معترضة على ده، والمفروض إننا بنرتقي بذوق الناس وبنقدم فن ممتع وهادف».
واستطردت: «فيه مشكلة في الرقابة والناس اللي بتقرا وبتحدد نعمل إيه ومنعملش إيه، واترفض لي أكثر من موضوع كانوا واخدين موافقة قبل كده، فأنا لما هنتج هعمل شئ مهم ومحترم وميهمنيش يجيبني إيرادات قد ايه».
وأردفت:«فيه مواضيع اشترتها خلصت المدة بتاعتها فكان لازم تتجدد المدة بتاعتها، وفوجئت أن فيه موضوع رفض لي بدون أسباب، فشعرت أن فيه شئ من التعنت».
وأردفت: «نفس الشئ مع المخرجة هالة خليل كانت كاتبة موضوع عظيم، واترفض أيضًا بدون أبداء أسباب».
أحدث التعليقات