كتبت :أميرة خالد
كشف الفنان خالد الصاوي تفاصيل شخصيته في فيلم «ليه بتعيشها وحدك»، مؤكدا أنه يتشابه مع شخصية عمر في بعض التفاصيل، خاصة وقت إصابته بالمرض.
وأضاف في لقائه مع الإعلامية منى الشاذلي في برنامج «معكم منى الشاذلي»: «عمر من صغره لديه نهم للحياة وعلى الملذات والحاجات اللي بيحبها مفيش فصال فيها، مبيعملش حاجة غير اللي بيحبها، وتزوج بشكل تقليدي والعلاقة منجحتش».
وتابع: «هو عمل أخطاء كبيرة لكن مش شريرة، ومعرفش يكسب بنته، فهو بيواجه نفسه بأخطائه لكن ميحبش يظهرها أمام الناس، وأنا على المستوى الشخصي قريب منه».
وأوضح: «هناك جزء من شخصية عمر يشبهني، وخاصة مع تشابهنا في فترة المرض، فهو يشبهني وقت إصابتي بمرض فيروس سي».
واستطرد: «قعدت سنة كاملة مقولش أساسًا، خايف إن في السوق لو عرفوا ميطلوبنيش في شغل، وكنت فاكر إن لو شربت من كوباية واحدة مع شخص هعديه، ومكنتش عارف بينتقل إزاي وماكنش عندي إمكانيات مادية كافية، الحقنة كانت بتتكلف أربع آلاف جنيه في الشهر وأنا مرتبي في التلفزيون حوالي ألف جنيه مع شوية شغل مش مستقر حوالي 2000، فاستنيت لما أقدر أعمل فلوس، ولما عملت روحت اتعالجت في ألمانيا وصرفت دم قلبي، وفي الآخر رجعت اتعالجت في مصر»
أحدث التعليقات