كتبت : مريم يعقوب

دافع الفنان شريف منير على ماتعرضت له ابنته اسما شريف منير، خلال الفترة الماضية، وذلك بعدما قامت بحلاقة شعرها وأثارت جدلًا واسعًا عبر مواقع التواصل الإجتماعى.

شريف منير: اسما بنتى طيبة وذكية

وقال شريف منير خلال لقائه مع الاعلامية انجي علي: «اسما اتعرضت لهجوم كبير قاسي، وهي شخصية طيبة وذكية وفي حالها، وهي معملتش حاجة، ومحدش عارف أسرار البيوت ايه، ومحدش عارف هي مرت بإيه أو الأذى النفسي اللى اتعرضتله».

أسما شريف منير تثير الجدل بحلاقة شعرها

وكانت أثارت أسما شريف منير، جدلا واسعا خلال الأيام الماضية بعد قيامها بحلاقة شعرها «ع الزيرو».

علقت أسما ابنة الفنان شريف منير على حالة الجدل التي أحدثتها بسبب حلق شعرها بماكينة الحلاقة، قائلة: «شعري بقاله فترة بيقع جامد، ده غير إن من كتر العمايل اتحرق وبقي مش صحي خالص، غير الغدة وتأثيرها عليه، قررت أنفذ قرار كان بقالي كتير أوي نفسي آخده، أبدأ من جديد، أحرر نفسي، أفتح صفحة جديدة، حقيقي هو قرار صعب جدًا بس حسسني بقوة وتفاؤل».

وأضافت أسما شريف منير تعليقا على فيديو حلاقتها لشعرها الذي نشرته عبر حسابها الرسمي بموقع «إنستجرام»: «رميت ورايا حاجات كتيرة أوي بمجرد إني شلت شعري، قلبي كان بيدق جدًا وبعديها حسيت إني مليانة أدرينالين.. خطوة جريئة ومرعبة بس حاسه إني طالعة منها بدرس».

وتابعت: «عارفة إن في ناس كتير هتهاجمني، بس أنا فارق معايا إحساسي بالراحة اللي أنا حاساها دلوقتي ..عادي هيطول تاني.. بس الإحساس ده مش هحسه غير مرة.. بكرة هتشوفوا النتيجة الأخيرة».