كتبت:مريم يعقوب
أعربت الفنانة فيفي عبده عن استيائها من انتقادات الجمهور بشأن تصرفات النجمة شيرين عبدالوهاب، قائلة: إن الفنان عبارة عن إنسان وتحمل تصرفاته الكثير من العفوية.
وأضافت فيفي عبده خلال لقائها ببرنامج «et بالعربي»: «هو الفنان دا مش بني آدم؟.. هو انت ليه عايز تقول إن الفنان دا مش من حقه يعمل أي حاجة.. ازاي، يعني لو أنا دمي خفيف وبهزر مع الجمهور، وطلع مني أي لفظ ده وارد».
وتابعت: «واحنا في الآخر بشر وبني آدمين ومن حق الناس تشوف حياتنا العادية، وكلامنا العادي ومش لازم نبروز الكلام، وزمان كانت المغنية بتمسك المايك وتغني.. دلوقتي المغنية بتغني وترقص، الموضوع مختلف تماما دي مرحلة وراحت».
وتحدثت ايضا الفنانة فيفي عبده عن الانتقادات التي وجهت لها بسبب دفاعها عن الفنان محمد رمضان، وتصريحاتها بأن ثروة رمضان من أعماله.
وقالت فيفي عبده : محمد رمضان فعلا جاب ثروته من أعماله، والسوق عبارة عن عرض وطلب، ويمكن السبب رضا أبوه وأمه عليه، وممكن يكون بيعمل حاجات احنا منعرفهاش، وعشان كده ربنا بيرزقه.
وتابعت: «منقدرش نقول لـ ربنا رزقه ليه، وهو عنده أخطاء لا شك في كده، مضيفة: مش لازم كل الناس تشتغل مع محمد رمضان، ولكن لو جالي دور يناسبني معاه أعمله.
واستطردت: «أنا عاملة 25 فيلما و30 مسلسلا و13 مسرحية، يعني مفيش حاجه نقصاني أو حاجة نفسي أعملها لسه».
يذكر أن آخر أعمال الفنانة فيفي عبده كان في دراما رمضان 2022 من خلال مشاركتها في مسلسل «شغل في العالي»
والعمل الدرامي من بطولة شيرين رضا وفيفي عبده ومروان يونس، وبيومي فؤاد، ونضال الشافعي، ونجم كرة القدم ميدو، ومن تأليف حسين مصطفى محرم، وإخراج مرقس عادل.
أحدث التعليقات