كتبت: ريهام محمد
كشفت الإعلامية بسمة وهبة عن تعرض الفنان أحمد سعد للسرقة بعد حضوره حفل زفاف ابنها في إيطاليا، موضحة أن ما حدث معه نتيجة الحسد.
وقالت بسمة وهبة: «في حد عارف أن دا أحمد سعد وأن الشنطة دي فيها إيه أو مراقبه، لأن دي الشنطة اللي فيها ساعات أوديمار وساعات تانية وفيها العُقد اللي الناس كلها قعدت تتكلم عليه».
وتابعت بسمة وهبة متحدثه عن تعليقات الجمهور حول إطلالة أحمد سعد في حفل الزفاف: «أنا مبعتبرش أن دا نقد أنا بعتبر أن دا حسد ، لما أقول لحد إيه اللي إنتي لابساه ده فظيع أنا حسدتك كده أنا مستكتراه عليكي، هو دا الحسد إني بستكتر النعمة عليكي، ارتاحو أحمد سعد كل اللي إنتوا حسدتوه اتسرق».
وكان أحمد سعد حضر حفل زفاف ابن الإعلامية بسمة وهبة الذي أقيم في إيطاليا قبل أيام، وارتدى بدلة من دون قميص وعُقد ثمين.
على جانب آخر، أعلن الفنان أحمد سعد عودته لطليقته علياء بسيوني خلال حفله في الساحل الشمالي ضمن احتفالات اليوم الوطني السعودي الـ94.
ونشر أحمد سعد عبر حسابه على Instagram فيديو من الحفل وهو يتحدث للجمهور وكتب تعليقا عليه: «باركولي أنا خطبت».
وقال أحمد سعد: «في يوم جميل زي ده طبعا أنا كنت متجوز من سنتين وعندي عيلين، فين بس مراتي اللي هي دلوقتي بقيت خطيبتي، إحنا اتطلقنا يعني بس قررنا قرار أنا حبيت أقوله قدامكم إن إحنا نعمل فترة خطوبة حتى العيال تحضرها بالمرة».
وتابع أحمد سعد: «هي موجودة معانا سقفولها يا جماعة عشان إحنا بنبتدي حياة جديدة، دي رسالة لكل الناس اللي اتطلقت أو لسه هتطلق واللي هيتجوزوا يدوا نفسهم فرصة بعيد عن أي مشاكل أو أي حاجة ويبتدوا حياة جديدة مفيهاش أي حاجة وحشه ولا حلوة يبقوا مع بعض وخلاص».
أحدث التعليقات