كتبت: مريم يعقوب
كشفت المطربة بوسى أثناء استضافتها كضيفة فى حلقة لها ببرنامج حبر سرى والذى يعرض على قناة القاهرة والناس،، كشفت عن كثير من التفاصيل الخاصة عن حياتها الشخصية وأزمتها مع طليقها.
وكذبت بوسي تصريحات طليقها بأنه أنتج لها أغانيها أثناء فترة زواجهما، وأنفق عليها مبالغ مالية كبيرة وقالت “طليقي بيقول صرفت عليها، جيبوا صوري زمان وشوفوا منظري، ده مش منظر واحدة مصروف عليها الأرقام اللي بيقولها.
واستكملت حديثها: أنا كنت ست وراجل البيت وصرفت وعملت كل حاجة، حتى الأغاني من فلوسي، لكن كان كاتب التنازلات باسمه ويقول من إنتاجي و “هو كان مدير أعمال زوجته الأولى أم بنته، وكانت ست شغّالة في المجال واعتزلت ولبست نقاب، وكان مدير أعمالي قبل ما نتجوز.. وإتجوزنا في أول شغلنا مع بعض، وكمدير أعمالي كان المفروض ياخد نسبة، لكن كان بياخد الفلوس اللي المفروض أنا آخدها ويدّيني النسبة”.
وعن علاقتها بزوجها الحالى قالت بوسي: إنه الشخص الوحيد اللي بلجأ إليه لما بشعر انى مش قادره اتحمل المشاكل اللي بتعرّض لها بسبب أقرب الناس ليا
وأضافت: “بعيّط في حضن جوزي كتير بسبب اللي بتعرض له، حاجات كتيرة على نفسيتي وأعصابي، بالذات من أقرب الناس ليا… ربّنا مش بيدي حاجة لحد إلا لو هو قدها، لكن ممكن في وقت تتعبي من أقرب الناس، لما تدّيهم وهم وحشين معاكى.. إحنا متعودين على متاعب الشغل، لكن في حاجات أسوأ بكتير تخليكي تتعبي من الحياة كلها، وجوزي بيصبّرني عليها”.
وتابعت بوسي: “اتعودت ابقى قوية من صغري بس ممكن يكون بسبب أني ملقتش ليا ضهر اتحامى فيه من صغري ويجيب لي حقي فبقيت مقوية نفسي بنفسي، وأمي كانت كل حاجة بس في الأول والاخر هي ست لكن عمري ما ظلمت حد بل ظلمت نفسي في حاجات كتير”.
أحدث التعليقات