كتبت : مريم يعقوب
خرجت المطربة بوسي لترد على تصريحات طليقها رجل الأعمال الشهير هشام ربيع، وذلك بعدما خاض في عرضها وشرفها بعد تصريحاتها أنها لازالت تحبه خلال حلولها ضيفة على برنامج العرافة والتي تقدمه الإعلامية بسمة وهبة على شاشة قناة المحور.
قالت بوسي خلال تسجيل صوتي نشرته الإعلامية بسمة وهبة على صفحتها الرسمية بموقع إنستجرام :” شوفتي يا بسمة ده اللي خلتيني أقوله بحبك، شوفتي طالع يقول عليا اي أنا ندمانة اني قولت الكلمة دي ده طالع يتكلم في عرض وشرف اللي كانت مراته وبتنام جنبه على سرير واحد، أنا عمري ما اتكلمت في عرضه عشان دي تربيتي وأخلاقي.. وده الفرق بين تربية شارع الهرم والكابريهات.. وتربية ابن الاصول الفلاح اللي عنده شرف واللي عنده بنات، طالع يتكلم على اللي كانت في يوم من الايام مراته بينام جنبها وياكلوا ويشربوا مع بعض”.
تابعت بوسي حديثها قائلة: “ده طالع بيستغل الشهرة على قفايا.. أنا مصدومة من تصريحاته ده بعد حلقتي مع بسمة وهبة جالي واتعشى معايا وعلاقتنا كانت كويسة جدا، ده مش عامل حساب للشهر الكريم وأنه كان بيعمل عمرة وقدام الكعبة وبيتكلم عن اللي كانت في يوم من الايام مراته، وانا اللي مش بعمل عمرة مع أن ربنا في كل مكان مش بقول كدة عليه ولا عمري جبت سيرته بطريقة وحشة ، الراجل ده ملهوش علاقة بالرجولة ولا الاخلاق وحسبي الله ونعم الوكيل فيه”.
أحدث التعليقات