تواجد اسم الفنانة نشوى مصطفى ضمن قائمة “تريند” موقع X بعد حديثها عن ارتفاع سعر البنزين وانقطاع الكهرباء.
وتفاعل الجمهور مع حديث نشوى مصطفى بين مؤيد لكلامها ومعارض له، مع تداول فيديو من حلقة برنامجها وهي تكشف عن رأيها في أزمة انقطاع الكهرباء.
وكانت نشوى مصطفى وجهت رسالة تحفيزية للمصريين تدعوهم للصبر على ارتفاع سعر البنزين وقطع الكهرباء يوميا.
قالت نشوى مصطفى خلال برامجها “بنت البلد” على قناة Ten: “البنزين زاد لما العدو منع عنك تصدير الطاقة علشان يذلك ويكسرك ويهينك كمصري، المفروض أنت تقوله مش عاوز.. إيه يعني الكهرباء تقطع ساعتين تلاتة في اليوم، لأ اقطع 12 ساعة في اليوم بس أنا فوق العدو مش هيكسرني ومش هيذلني”.
وأضافت: “الناس اللي بيقولوا الكهربا قاطعة بدال الساعة ساعتين، حتى لو قطعت 24 ساعة بس تبقى في بيتك متأمن مفيش عدو بره واقف ممكن يدخل يغتصب بنتك ومراتك ووالدتك، فالحمد لله نستحمل إحنا صحاب البلد دي ويا رب أحميها وأحرسها”.
يشار إلى أن آخر أعمال نشوى مصطفى مشاركتها في فيلم “شاومينج” مع بيومي فؤاد، صلاح عبدالله، أحمد سلطان، توني ماهر، من تأليف أشرف حسني ومن إخراج شادي أبو شادي وتدور أحداث الفيلم قصص مجموعة من الشباب في مرحلة الثانوية العامة حيث يظهر الغش الإلكتروني بشكل كبير.
أحدث التعليقات