كتبت: أميرة خالد

تصدر فيديو لسيدة تدعي عزة الفقي حديث الجمهور على السوشيال ميديا كشفت خلاله عن تفاصيل أزمتها مع أسرة الفنانة هنا الزاهد ووالدتها شيرين المنزلاوي أثناء تأجيرهم لمنزلها في إحدى المجمعات السكنية بمدينة 6 أكتوبر.

قالت السيدة مالكة الفيلا في مقطع فيديو : “شيرين المنزلاوي كلمتنا تأجر فيلتنا وزوجي رفض لاننا مش ضامنين ظروف سفرنا وافتكرنا الموضوع خلص، تاني يوم جاتلنا مكالمة من الاستاذ طلعت زكريا قال ان شيرين المنزلاوي زوجته وعلى ضمانته الشخصية وانه مشهور ومش هيحصل مشاكل على الإيجار وإن شيرين المنزلاوي عندها بناتها فنانات هنا الزاهد وفرح الزاهد”.

تابعت السيدة حديثها:” خطوبة هنا الزاهد كانت في البيت ده.. وكانوا بيأخروا علينا الإيجار وقالولنا وقت ما نرجع ناخد البيت لأنهم مضوا عقد 3 سنين وقولنا مش ضامنين وقت رجوعنا من السفر لكن لما رجعنا من السفر رفضوا يخرجوا من البيت ووالدة هنا الزاهد ردت عليا بألفاظ بشعة وبكلم الفنانة بتقفل في وشي التليفون”.

استكملت حديثها كاشفة عن تحريرها بلاغ ضد الفنانة هنا الزاهد وأسرتها قائلة: “رفعنا قضية بالتلفيات وإيجار سنتين متأخر.. ومش عارفين نوصل لوالدة هنا الزاهد وسرقوا الحوض والسيراميك والقضاء حكم بطردهم من البيت، شوفت لقاء لهنا الزاهد الفترة اللي فاتت استغربت ازاي الناس دي بتقدر تكون بـ 100 وش كده!”.