تحدثت الفنانة سلوى عثمان عن الفترة الأخيرة فى حياة والدها الراحل الفنان عثمان محمد على، الذى توفّى بسبب إصابته بـ«جلطة» فى المخ.
وكشفت سلوى فى تصريحات صحفية ، عن نصيحة والدها المستمرة والدائمة لها فى مجال العمل: «نصيحته ليا فى الشغل عمومًا، إنى لما أعمل حاجة، أعملها بصدق، لأنه كان دايمًا شايف إن الممثل لازم يكون عنده مصداقية».
وتابعت الفنانة سلوى عثمان عن رأيها فى عدم مجيء بعض الفنانين فى الجنازة أو العزاء: «كل واحد عنده ظروفه، اللى جم على رأسي، واللى مقدروش ييجوا أكيد عندهم ظروف، واللى حصل كان مفاجئ لينا كلنا، وممكن يبقوا بيشتغلوا، واللى قدر يسيب شغله شوية ويرجع فوق راسي».
واختتمت سلوى تصريحاتها قائلةً: «المهم إن الكل كان بيحبه البعيد والقريب، مافيش حد معزانيش، حتى يسرا قالت إنها بتعتذر لأنها مسافرة».
وأضافت سلوى عثمان: «وإحنا عند عمرو الليثي، الناس كلها كانت بتتفرج وكانوا بيحبوه وهو كان جواه الإيمان وطيب من جواه، وربنا إن شاء الله يرحمه ويدخله الجنة، وبابا كان قريب من ربنا، وبابا لما تعب فى آخر أيامه مكانش تقيل على حد، ووشه بعد ما اتغسل كان مُستبشر، ومش خايف يطلع لربنا لأنه معملش حاجة وحشة، وهو ربنا رحمه من كل الدنيا اللى كنّا فيها».
أحدث التعليقات