كشفت الفنانة عارفة عبد الرسول تفاصيل وقوعها ضحية لبرنامج المقالب “رامزنيفر إند”، وكيف تم استدراجها، والصدمة النفسية التي تعرضت لها بعد معرفتها بالحقيقة.
وفي منشور مطوَّل شاركته عبر حسابها في “فيسبوك”، صارحت عارفة عبدالرسول جمهورها بعدم معرفتها المسبقة بأنها ستكون ضحية رامز جلال، وكتبت: “اتصلت بيا واحدة وبكل الحب قالتلي احنا بنفتخر بيكي ونفسنا تحضري معانا افتتاح محل في البوليفارد”.
وأوضحت أنها وافقت على الفور دون الاستفسار عن المكان، فكل ما كانت تفكر به هو الذهاب إلى السعودية، وأضافت: “من فرحتي مسالتش محل ايه لان كان نفسي اروح السعودية وكل اللي شغلني الوقت وزنقة رمضان بس البنت كانت شاطرة وعرفت تدبر الميعاد، أخلص تصوير واطلع على المطار الحق اخر طيارة افتتح المحل واطلع ع المطار.. كده يعنى صد رد ولكم ان تتخيلوا الارهاق والتعب”.
وأضافت عبدالرسول أنها تمت معاملتها كـ”ملكة” منذ أن وطأت قدميها المطار، حيث نقلت بسيارة فارهة إلى فندق هيلتون الرياض، وقضت ليلتها في جناح ضخم تجري فيه الخيول، على حد تعبيرها، كما جرى استقبالها من قبل الفندق بطريقة مبهرة.
وأشارت الفنانة إلى أن التلفاز كان يعرض مقطع فيديو يضم صورًا لها، وقالت: “تخيلوا معايا بس الحالة اللي انا فيها.. الصبح جم بنات كوافير وماكيير والبنت اللي اتصلت بيا واسمها شريفة.. بقت تسألني اسئلة عرفت بعدين انها بتشوف شغلها.. اطمنت عليا لاني جاية من تصوير واصرت اني اطلب اكل واكل قبل ما ننزل”.
وأردفت: “وصلت قابلتني المذيعة الجميلة كارلا المريحة للعين والقلب وخضت تجربة السهم والخيل وانا فرحانة وقصيت الشريط بمقص تحفة ودخلت على المطعم اللي كل حاجة فيه بتلمع قوي والشياكة والجمال وانا بازداد سعادة وفرحة ما فرحتهاش عمري”.
ولفتت إلى أنها استغربت مظهر الشيف، الذي لعب دوره رامز جلال، حيث شبهته بـ”الإرهابي”.
وأعربت عارفة عن صدمتها حينما علمت بأنها ضحية مقلب، مشددة على تعرضها لحالة نفسية، قائلة: “انتوا متخييلين.. طلعت سابع سما ونزلت على جدور رقبتي… مش مهم المقلب.. صدمتي النفسية محتاجة علاج فعلا”.
وتابعت: “انا بحب رامز من زمان وعارفة أنه الواد الشقي بتاع العيلة وفرحانة بيه انه ماسك في الواد ده ومش بيتغير حتى افلامه شقية.. لكن برضه مش كده.. يعني افرض جرى لى حاجة.. انا طول عمري صريحة معاكم وفعلاً ماكنتش اعرف وده اللي حصل.. اما الست شريفة والسيد رامز ليهم روقة بس اتعالج من الصدمة الاول”.
وحينما شكك بعضهم بأقوالها مشددين على معرفتها المسبقة بالمقلب، عادت عارفة للرد، قائلة: “عيب انا مش كدابة”، وتابعت في تعليق آخر: “وحياة ولادي ما كنت أعرف انه رامز. اللي حكيته هو اللي حصل بالظبط”.
أحدث التعليقات