كتبت :أميرة خالد
كشف الفنان كريم عبدالعزيز تفاصيل إصابته بـ9 جلطات في الرئة، مؤكدا أنه فوجئ بهذا الأمر.
وأضاف في لقائه مع الإعلامي محمود سعد في برنامج «sold out» على منصة «واتش آت»: «عامل لوالدتي تأمين صحي ورايح أعملها عملية في لندن، فهناك اتفاجئت بآلام غير طبيعية في صدري، افتكرتها برد في الأول».
وتابع: «روحت عملت أشعة، ومشيت من المستشفى، فوجئت تاني يوم رسايل لزوجتي، الدكتورة بتطلب مقابلتي فورًا، روحت لاقيت المستشفى مستنياني، دخلت عند دكتورة قالت لي: (إنت هتموت)، فاندهشت جدًا، فقالت لي: (إنت عندك تسع جلطات في الرئة، إنت ازاي واقف على رجلك)، فبعدها أول حاجة طلبتها أني أشوف ولادي».
واستطرد: «المهم قعدت في المستشفى أربعة أيام في العناية المركزة، وكان أكتر شىء مركز فيه ولادي، والأعمار بيدي الله، وطلبت أشوف دكتور تاني، وشوفت فعلًا وأكد لي إني مصاب بـ 9 جلطات بالرئة، وسألني: شغال إيه؟، قولتله: «أنا ممثل»، وخرجني بناء على اتفاق الالتزام بالأدوية وحقن سيولة، مفيش سجاير ولا ضغط.. وعملت كل ده في لندن، وانتهت الأزمة الطبية الحمد لله».
أحدث التعليقات