كتبت :مريم يعقوب
كشفت الفنانة جميلة عوض عن رأيها في زوجها المونتير أحمد حافظ، حيث أكدت أنه شخص مثقف ولديه من المعلومات والخبرة.
وقالت في لقائها في برنامج صاحبة السعادة: «أحمد شخص بيفرق جدًا في حياة أي شخص حواليه لأنه صديق جدا وفي شغله فاهم جدا وشاطر ومثقف أوي».
وتابعت: «بتسأليه في أي حاجة بيكون عارف، هو فاهم طبيعة شغلي لأنه بيعمل في نفس المجال، كمان هو بيسمع كويس أوي، عنده المعلومة والخبرة».
جميلة عوض تكشف سبب اختيار عمرو يوسف شاهدا على عقد قرانها
وكشفت الفنانة جميلة عوض خلال لقائها ببرنامج «صاحبة السعادة» مع الفنانة إسعاد يونس، سر اختيار الفنان عمرو يوسف ليكون شاهدا على عقد القران قائلة: «أحمد جوزي كان شاهد في كتب كتاب عمرو يوسف، وهما أصدقاء جدا من 20 سنة تقريبًا، وكان طبيعي عمرو يشهد على العقد».
وقالت جميلة خلال اللقاء إنها كانت رافضة لفكرة الزواج، وتلك الخطوة كانت مؤجلة بالنسبة لها، وذلك بسبب كثرة التعليقات السلبية والتجارب الفاشلة، موضحة: «الناس كلها بتتكلم عن السلبيات أكتر من الإيجابيات وده كان سبب كبير».
وأضافت: «كنت مركزة في شغلى وبس، وفضلت كده لحد ما وصلت لحالة إني هموت واتجوز، هو شاطر وعرف يحببني فيه».
وتابعت: «الموضوع ابتدى من عنده هو الأول، كان بيمنتج كل أعمالي، وحبني من أوضة المونتاج أنا مشوفتهوش خالص، ودايما هو بيشوف كواليس التصوير قبل ظهورها على الشاشة».
أحدث التعليقات