كتبت : اميرة خالد
علَّقت الإعلامية مفيدة شيحة، على الأخبار المتداولة بشأن ارتفاع أسعار المصيف في الساحل الشمالي، إلى أرقام فلكية؛ إذ وصلت إلى نحو مليون جنيه في الليلة الواحدة في بعض الأماكن.
قالت مفيدة في برنامجها:” ماحدش بيضِّرب على إيده، مش لازم أجبر أي شخص يروح يصيف في الساحل… الساحل أسعاره غالية، الحل هو الالتزام بمقدرتنا المالية وعدم الاستسلام لهذه الأسعار”.
استكملت شيحة قائلة : “هناك فئة تمتلك قدرة مادية وفيرة؛ لصرف عشرة ملايين جنيه في عشرة أيام، هم أحرار؛ بس الفئة دي عندها مشكلة كبيرة جدًّا في إظهار المنظرة، فلو أنت عايز تضيَّع فلوسك أنت حر؛ بس احنا ما لنا، وكفاية منظرة”.
طالبت الإعلامية سهير جودة، بعدم وجود ما يسمى بـ “ساحل شرير”، قائلة: “بلاش نسمح إن يكون فيه ساحل شرير، إحنا اللي بنشجع على القصة اللي فيها مبالغة، لازم نرفض كل الأسعار اللي غالية هناك”.
نصحت سهير جودة: “بلاش منظرة ونتبارز بالأمور دي لأنها بتكشف حاجات نفسية، وبلاش ننشر الأمور الاستعراضية دي، ممكن نروح جمصة أو بلطيم”.
أحدث التعليقات