مي عمر: لا أحكم على الأشخاص من الخارج.. و”سامى” أهم حاجة فى حياتى وبيدعمنى

كتبت: صافيناز إبراهيم

حلت الفنانة مي عمر ضيفة على أولى حلقات برنامج “ألبوم صور” مع إيناس سلامة الشواف عبر محطة راديو “إنرجي 92.1.

ووصفت مي عمر نفسها أنها شخصية قاسية مع نفسها وتنتقد نفسها بشكل كبير، أما عن زوجها المخرج محمد سامي فقالت عنه “أهم حاجة في حياتي باخد رأيه في كل حاجة وبيدعمني”.

وأوضحت مي عمر أنها لا تحب تدخل الناس في حياتها الشخصية، وتحرص على الخصوصية بشكل كبير.

أما عن استخدام “الفلتر” لتعديل الصور قالت مي عمر عن هذا الأمر: “بستخدم فلاتر بس تكون طبيعية مش مبالغ فيها، وبتضايق لما بلاقي الصورة بعيد عني مش شبهي، وفي صور بحطها من غير فلتر لو متصورة بجودة كويسة”.

وأشارت مي عمر إلى أنها تحرص على تعديل المعلومات المغلوطة عن حياتها العملية، أما فيما يخص الانطباعات عنها أوضحت:”في حاجات مش بهتم أوي بالصح والناس هيعرفوا مع الوقت، مش كل الناس بتشوف الوش الحقيقي بتاعك لازم يقرب،كل واحد بياخد الفكرة اللي في دماغه”.

وأكدت مي عمر على أنها لا تحكم على الأشخاص من الخارج، وتعودت منذ صغرها ألا تحكم بالظاهر، موضحة: “عشان أحكم على حد لازم أقرب منه وأعرفه”.

وتحدثت مي عمر عن المقربين لها قائلة إن معارفها مستمرين معها منذ سنوات إلى جانب عائلتها المقربة منها، موضحة: “في ناس بنكتشف حقيقتهم مع المواقف وبيفضل كويس طول ما هو عاوز مصلحة؟ المواقف الجامدة بتبين الناس على حقيقتها وهنا بتقدري تفلتري الناس ولا لا اللي بيبقى مش كويس معاكي مرة بيغلط فيكي تاني وتالت ورابع لو سامحتي”.

وقالت مي عمر إنها واحدة من 4 شقيقات، يعشن معظمهم خارج مصر، وأنها تفتقد شعور قربهن وتواجدهن معها طوال الوقت.

تقدم إيناس سلامة الشواف، برنامج فني جديد وهو “ألبوم صور” الذي يركز على حياة الفنانين الخاصة من خلال صور شخصية مؤثرة في ذكرياتهم.

يذكر أن مي عمر تنافس في رمضان 2024 بمسلسل “نعمة الأفوكاتو”.

المسلسل ينتمي لدراما الـ15 حلقة، ويشارك فى بطولته بجانب مى عمر كل من أحمد زاهر، كمال أبورية، أروى جودة، سلوى عثمان، سامي مغاوري، لبنى ونس، عماد زيادة، هدير عبد الناصر، غادة فلفل، أحمد ماجد، ولاء الشريف، محمود غريب.