كتبت :أميرة خالد

وجه الفنان الشاب يوسف نجل الفنان الراحل أشرف مصيلحي، رسالة مؤثرة لوالدة، بعد انتهاء عزاءه الذي أقيم أمس الثلاثاء، وحضره عدد كبير من نجوم الفن.

ونشر يوسف مصيلحي، عبر حسابه الرسمي بموقع التواصل الإجتماعى «إنستجرام»، عدة صور له برفقة والدة، وعلق عليها قائلا: «الله يرحمك يا أطيب وأجدع وأحن اب في الدنيا وكان نفسي تكون موجود وشايف حب الناس وروحك الحلوه الموجوده في كل حد فينا وتشوف الناس كلها بتقول عليك إيه من أصغر واحد لحد اكبر واحد».

 

أضاف: «انا فعلًا مش فاكر ولو مره واحده انت عملت حاجه ضايقتني أو حتى شدينا مع بعض زي أي اب وابنه وده عشان احنا كنا صحاب وكنت بتفهمني وعارف دماغي وانا عارف انك دلوقتي مرتاح اكتر بكتير واكيد مبسوط وانت شايفنا كلنا متجمعين وحاسس اكيد بكل المحبه الكانو موجودين اليومين دول وهيفضلو موجودين علطول».

واختتم رسالتة قائلا: «دلوقتي انا هعرف اتكلم معاك وعارف انك هتسمعني يمكن اكتر من اخر فترة كنت موجود وسطنا عشان كنت تعبان فا مش بعرف اتكلم معاك بس انا عايزك تعرف اني بحبك اوي وهفضل شايل اسمك وانا فخور انك ابويا لحد لما اجيلك انشاءالله. بجد بحبك اوي يا بابا وعارف انك اكيد في الجنة انشاءالله».

 

 

ورحل الفنان أشرف مصيلحي عن عالمنا يوم الأحد الماضي الموافق 17 سبتمبر، عن عمر ناهز 49 عاما، وذلك بعد صراع طويل مع المرض.