كتبت : اميرة خالد
كشفت الفنانة نجوى عن إحدى المواقف التي جمعتها بالشيخ الشعراوي، حول الرقص، وأوضحت السبب وراء اعتزالها.
قالت نجوى فؤاد:”مرة سألت الشيخ الشعراوي وإحنا راجعين من الغردقة في طائرة واحدة.. هو الرقص حلال والا حرام.. قال لي لو حرام أو حلال مكنش ربنا فتح لك السكة دي.. ومكنش نجحك فيها.. هو اللي قسم لك كده.. الحساب بقى عنده”.
أضافت نجوى فؤاد أن الشيخ الشعراوي رفض أن يصرح لها إذا كان حلال أو حرام، وتابعت: “لكن ربنا فتح لك الطريق دا عشان تاكلي عيش منه.. محرمش ومحللش.. ولكن قالي في حساب عند ربنا بقى وأنا معملتش حاجة عشان أتوب”.
أعلنت نجوى فؤاد عن السبب الحقيقي وراء اعتزالها الرقص، لافتة أن السبب كان بسيط، وقالت: “وأنا واقفة على المسرح بعرض قمر 14 كان بيقولي الأساتوك دا.. وأنا معرفش يعني أيه الأساتوك دا.. وقفت الموسيقيين وسألتهم أيه الأساتوك يا جماعة وقالوا لي غنوة شعبية قولت هنقارن الأغنية الشعبية من موسيقار الأجيال بالأساتوك”.
استطردت نجوى فؤاد أنها أغلقت الستارة بيدها على الفور، رغم أنها إلكترونية، وجلست على الأرض، وأمرت الفرقة أن تجمع أمتعتها، وملابسها، وكل ما يخصها، وعادت لمنزلها، وأشارت أنها رفضت بعدها العودة للرقص مجددًا.
أحدث التعليقات