كتبت : مريم يعقوب
علقت الإعلامية ياسمين عز، على صورة محمد صلاح نجم منتخب مصر والمحترف في صفوف فريق ليفربول الإنجليزي، بعد ظهوره الأول عقب حلاقة شعره.
قالت عز، خلال برنامجها «كلام الناس»، عبر فضائية «mbc مصر»: «أول لما نجيب سيرة حسام حسن ومحمد صلاح، نفتكر خناقات توم وجيري، وإن صلاح كان عاوز يمشي كابتن حسام حسن، ويجيب واحد صاحبه بيدور على شغل يدرب المنتخب، وغيروا من الكلام اللي ملوش أي معنى، في الآخر حد الكلام بحركة واحدة، وهي حلاقة شعره، صلاح حلق شعره علشان يمنع أي حواجز بينه وبين كابتن حسام حسن، أكيد لما الجماجم تتلاقى ده هيكون في صالح المنتخب».
استطردت عز حديثها: «في دراسة بتقول إن أصحاب الشعر الخفيف وأصحاب الشعر التقيل بيكون فيه بينهم عكوسات، فصلاح قرب المسافات علشان يكون هو وكابتن حسام على درجة فهم واحدة، وفي النهاية البقاء للأصلع».
وصل محمد صلاح إلى مصر استعدادا للانضمام إلى معسكر منتخب مصر تحت قيادة الكابتن حسام حسن، ضمن استعدادات الفراعنة لخوض مباراتي بوركينا فاسو وغينيا بيساو في تصفيات كأس العالم 2026.
أحدث التعليقات