كتبت : مريم يعقوب

كشفت الفنانة فريدة سيف النصر عن كواليس وتفاصيل فيلم «فرقة الموت»، وذلك عبر صفحتها الشخصية على موقع فيسبوك.

ونشرت فريدة منشورًا عبر صفختها بفيسبوك نصه: «الفيلم ده من تلاته وكبار جدا هو اللي باعمله أنا غريبة.. ووالله كلنا في الشغل مالناش سيرة غير غزة والعيال لكن ده شغلنا، المعلمة قشطة في فرقة موت مع الجمال والأدب والذوق سوبر ستار أحمد عز.. سعيدة إني بتقابل مع جيل جديد، إتفاجئت أن عز عارف شغلي وكمان وهو بيتفرج عليا وأنا باصور عمال يشكر فيا وصلولي طبعا».

 

وتابعت: «والأحلي مدير التصوير هو بتاع بدون ذكر أسماء وإتكلم عز على نور الشريف بحب وإني محظوظة عملت معاه أهم أعمالي وهو عمل معاه واهتم بيه جدا.. ومحمود عبدالعزيز وجماله وقد إيه بيحبهم وكان نفسه يشتغل مع عاطف الطيب، أنا عملت جبر الخواطر معاه وخدت جائزة أنا بجد الحمد الله محظوظة في الجيل اللي حضرته وأنا صغيرة من نجوم مش هاتتكرر إتعلمت على ايديهم. والجيل ده بتاع عز وأنا كبيرة عندنا أجيال هاتكمل بجدارة».

وأردفت: «فيلم فرقة موت أحمد عز وٱسر ياسين والقمر منه شلبي والجميلة أمينة خليل. مع السوبر ستار دائما محمود حميدة الإضافة لفريق العمل، إنتاج هشام عبدالخالق وإخراج أحمد علاء ومنتج فني المحترم هاني عبدالله وآرت ديزاينر. المبدعة ناهد نصر الله بصراحة كلهم عشق العشق، مفيش شعور أجمل من انك تشتغل مع ناس فرحانه بيك ومخرج عارف إمكانياتك فايسببك تبدع هأقول لكم على حاجة تخبل، تخيلوا أحمد عز ممكن يعمل كوميديا بقي يقول لي إفيهات قسما بالله حلوة قد ما تفاعل معايا قولتها.. يارب ينجحوا كلهم ويكسروا الدنيا».