كتبت :أميرة خالد
كشف النجم أحمد حلمي عن موقف محرج تعرض له في طفولته، حيث تعرض للتنمر على يد فنان شهير.
وقال أحمد حلمي في برنامج sold out على قناة cbc: «تعرضت للتنمر بسبب أذني، لأن وأنا صغير كنت بقوم بثنى أذنى وأنام عليها، كل يوم وأنا نايم بتني أذني، فبقى عندى ودن أكبر من ودن».
وتابع: «كنت في أولى إعدادي، في مرة كنت في فرح بنت خالتى على مركب، وكان في فنان كلنا بنحبه في الفرح، وروحنا عشان نشوفه وواقفين قدامه وبنضحك ببراءة كده، راح قال لصاحبه الحق ميكي ماوس».
واستطرد: «تضايقت جدًا إن حد اتريق عليا.. وعمري ما نسيت الحكاية دي، وبعدين قابلت الفنان ده بعد كده، لكن مفكرتوش بالموقف ده».
وأوضح: «تعلمت إن أي حد بيتكلم معايا أقابله بالحب، وده من المواقف اللي اتعلمت منها».
وكان قد كشف الفنان أحمد حلمي مفاجأة عن فيلم «عسل أسود»، قائلا إنه كان مكتوبا للفنان الراحل عمر الشريف في البداية.
وأضاف أحمد حلمي في لقائه مع الإعلامي محمود سعد في برنامج «سولد أوت» على قناة cbc: «منى زكي قالت لي إنت متنفعش للدور، حكيت لها الفكرة قبل ما تقرا السيناريو».
وتابع: «الفيلم كان مرشحًا له عمر الشريف، وكنت هقدم دور موظف في شركة، وعمر الشريف جاي عليّ من بره.. ولما قريت الفيلم مع المؤلف خالد دياب قلت له الفيلم حلو أوي، لكن عايزينه يعبر عن الشباب بكل طوائفه، فقلت له ما تيجي نخلي الشخصية اللي جايه من بره أصغر».
أحدث التعليقات