كتبت: مريم يعقوب
نشر الملحن عزيز الشافعي والشاعر تامر حسين أغنيتي شيرين عبدالوهاب “بتمنى أنساك” و “اللي يقابل حبيبي” عبر حساباتهما الشخصية على موقع التواصل الإجتماعي إنستجرام و ذلك بعد حذفها من منصة اليوتيوب.
علق الشافعي قائلا:” امبارح نزلت اغنيتين لشيرين، لكن المشكلة كنت أتمنى الأغاني تنزل بطريقة أحسن وأفضل من كدة والناس تسمعهم على اليوتيوب وكل منصات الإستماع، وبتتغنى في الإذاعة بشكل طبيعي”.
استطرد الشافعي حديثه:” أنا عارف شيرين عملت كده ليه.. هي وعدت جمهورها تنزل أغاني وأصعب حاجة الفنان يبقى عايز يغني ويشتغل وفجأة يتمنع عشان ورق أو توقيعات أو وجهات نظر أو مواقف قانونية، ومعرفش كان اية المفروض يحصل، لكن محامي روتانا بيقول إن شيرين دفعت 8 أو 10 مليون عشان إخلال بالعقد، وإن كل اخلال بالعقد هتدفع 10 مليون جنيه، يعني الأغنيتين بتوع امبارح شيرين ممكن تدفع عليهم 20 مليون جنيه”.
استكمل الشافعي قائلا:” عقد شيرين مستمر مع روتانا ومطالبة بأنها تقدم أغاني، وسؤال لمحامي شيرين هل أنت ورقك سليم عشان تنزل أغاني وإزاي لو سليم روتانا وقفته وحذفت الأغاني، هل روتانا عندها حق ولا معندهاش، ليه الأمور القانونية دي مش بتنتهي بشكل واضح، مش معقولة 2 محامين كبار يقولوا كلام عكس بعض، مشكلتنا إننا بنحب شيرين وعندنا شيرين واحدة في مصر”.
أغنية «بتمنى أنساك»، كلمات وألحان عزيز الشافعي، وتوزيع توما، ولم تُعرض الأغنية بطريقة الفيديو كليب.
أحدث التعليقات