كتبت :أميرة خالد

قال الفنان خالد الصاوي، إن الفن انقذه من الجنون والانتحار والإدمان والإلحاد، وانقذه من الضياع بشكل عام

خالد الصاوي يوضح كيف أنقذه الفن من الانتحار والإدمان والإلحاد؟

وأضاف الصاوي خلال حديثه مع أنس بوخش، في برنامج «ABtalks»: «الفن انقذني من الجنون والانتحار والإدمان والإلحاد، من الضياع عموما، عمل لي طاقة نور وخرجني من إحساسي القلق بأني مش متناغم مع الدنيا حواليا».

أشار: «أنا لو نمت خمس دقايق بحلم وبفتكر، معنديش قدرات حسابية كويسة وفاشل فيها لكن عندي قدرات خيالية والحمد لله مصروف لي فيها، فعرفت أن ده طاقة حرية بالنسبة لي وبلاقي فيها نفسي».

تابع: «بتكلم مع ربنا والتاريخ والقصص.. أنا كنت انتقائي في الفصل تعجبني حتة أركز فيها متعجبنيش بفصل.. الفن بالمعنى ده أداني القدرة وخلاني أعيش العالم البديل أحيانا وأحقق فيه حريتي، كنت بقعد أرسم نفسي وأنا بعمل حاجات نفسي أعملها ومغامرات لم اخوضها لحد ما عرفت أن ده هيبقى شغلي».

أردف: «الفن بيديك أمل أن فيه بكرة.. ولو كتبت قصيدة بتبص عليها تاني يوم وبتبقى مبسوط إنك عملت حاجة حلوة، بيعملك سم مع الحياة وبيعرفك بنفسك الحقيقة».