كتبت: مريم يعقوب دعمت الفنانة بوسي، المطربة شيرين عبد الوهاب بعد أزمتها الأخيرة مع طليقها الفنان حسام حبيب، معربة عن حزنها الشديد لاختفائها عن الوسط الغنائي بسبب ما تعانيه. قالت بوسي، خلال لقائها ببرنامج «عرب وود»: «أنا بعشق شيرين وبعشق صوتها أصلا، بحبها أوي ومستخسرة اللي بيحصل فيها، وبقول حرام عليكي اللي بتعمليه في نفسك، وأنا مش بحب اتدخل في حياة حد الشخصية، لكن أنا هنا مش بكلمها كزميلة، أنا بتكلم كمعجبةبيها ». نصحت بوسي شيرين قائلة:« محتاجينك ترجعي شيرين بتاعت زمان، شيرين اللي كانت مركزة في شغلها، شيرين اللي كانت بتحب مهنتها، اللي كانت بتحب الغناء، وبتعمل حاجات حلوة تكسر الدنيا محتاجينها ترجع تاني، وربنا يارب يعملها كل الخير». كشفت بوسي عن إمكانية تعاونها مع محمد رمضان، مشيرة إلى أنها لها الشرف بعمل دويتو غنائي معه خاصة وأنه شخصية ناجحة في مصر والوطن العربي والعالم، ولديه قاعدة جماهيرية كبيرة واثبت نجاحاته المختلفة في الأعمال الفنية والغنائية.