أطلق الفنان أحمد سعد البوستر الدعائي لألبومه الغنائي الجديد تحت عنوان «حبيبنا» والمنتظر إطلاقه عبر جميع منصات الموسيقى بدءًا من 15 يناير الجاري.

وظهر «سعد» بلوك وشكل مختلف للمرة الأولى وظهر بشارب وقميص مختلف على بوستر الألبوم الجديد الذي يقدم فيه تجربة موسيقية مختلفة ناتجة عن خبرته خلال السنوات الماضية وكذلك تجاربه حتى الوصول إلى قلوب الجمهور وتقديم ما يحبوه منه ولكن بالشكل الذي يحبه أيضا.

وكان أحمد سعد نشر فيديو دعائي طويل عبر جميع منصاته على مواقع التواصل الاجتماعي بدأ من منطقة القاهرة التراثية بمشاهد رائعة وتحدث فيه عن تحقيق حلمه وتجاربه الموسيقية من صعود وهبوط حتى الوصول لحلمه وحقق الفيديو انتشارا هائلا على مواقع التواصل الاجتماعي المختلفة.

وقال سعد في الفيديو: «حاجة جميل أوي يكون عندك حلم والأجمل من كده أنك تحققه، طول عمر أحلامي ملهاش سقف، وأنا صغير كنت بحب المزيكا أوي كنت بشوف كل حاجة ألحان حتى الكلام كنت بشوفه لحن كان أخواتي بيستغربوا».

وتابع: «وأنا صغير إزاي طفل يحفظ الحاجات التقيلة دي كنت بسمع مشايخ وأم كلثوم وعبدالوهاب وكنت بسأل نفسي هتغني أيه فيه كنت بسمع كل أنواع الموسيقى كنت بدور على شكل الناس تشوفني فيه واتصدمت أول صدمة عرفت إن الطريق مش سهل».

واستكمل: «كنت محتاج الناس تحبني وفضلت اسعى واسعى وأعمل أشكال جديدة في المزيكا قعدت 15 سنة بعمل اللي بحبه واللي الناس بتحبه أشوف زمايلي بتعمل أيه علشان أشوف اللي الناس بتحبه».

واستكمل أحمد سعد: «وصلت إن أعمل اللي الناس بتحبه بالطريقة اللي بحبها وجه النجاح اللي مجاش بين يوم وليلة الناس بقت تحبني وتحب أغانيا وبقيت ببقى طاير في السما وأنا طاير على المسرح».

وأردف: «الناس بتغني ورايا وبتقول أيه اليوم الحلو ده ووسع وسع وعرفت إن المسئولية ابتدت أنا محتاج أعمل اللي بناس بتحبه واللي أنا بحبه وأنا مصدق مصدق إن اللي بتحبه من قلبك الناس هتبحبه معاك وهي دي تجربتي المرادي هعمل اللي بحبه وهاخد الناس وهطير في السما باللي أنا بحبه الأيام الجاية هتعرفوا أيه هي التجربة».