قرر الفنان محمد رمضان الرد على أزمة ملابسه في حفل "كوتشيلا" الذي أقيم قبل أيام بالولايات المتحدة الأميركية، وشهد عاصفة من الجدل بسبب الملابس التي ظهر بها في الحفل.

شارك رمضان فيديو عبر حسابه الشخصي بانستجرام قائلا:" أنا كنت مأجل الرد لأني كنت مركز في الحفلة التانية في كوتشيلا، الحفلة اللي كنت شايل فيها اسمي واسم بلدي وجمهوري اللي في ضهري وكل اللي حافظني وكبرت قدام عينه عارف إن محمد رمضان عمره ما لبس واحدة ست لا في كليب ولا حتى في مسلسل مع كامل احترامي للفنانين اللي بتعمل كده".

استكمل رمضان قائلا:" جمهوري عارف إني لبست حلق في كليب؟ آه، بس عمره ما شافني لابسه في الحقيقة والناس عارفة ده كويس، جمهوري اللي حافظني عرف إن أول إطلالة في الحفل الأول مكنش قصدي إني اطلع بالشكل اللي ظهرت بيه وفريدة يمكن مكنش معاها جنيهات زيادة عشان كدة طلع الطقم قصير شوية".

تابع محمد رمضان حديثه:" إحنا كان الغرض إنه يكون حاجة فرعوني، ولكن محمد رمضان اللى إحنا حافظينه ميقصدش 

إني أطلع بالشكل اللي اتّرجم بيه على السوشال ميديا".

يُذكر أن محمد رمضان تعرض لموجة كبيرة من الانتقادات خلال الأيام الماضية، بعد ظهوره بملابس جريئة في حفله الأول بمهرجان «كوتشيلا»، ما جعل الأمر يصل إلى اتخاذ اتحاد النقابات الفنية الثلاث الموسيقية والتمثيلية والسينمائية قراراً بإحالة رمضان إلى التحقيق فور عودته إلى مصر.