ردت الفنانة حورية فرغلي، على الموقف الذي حدث بينها وبين ناهد السباعي، وتصدر مواقع التواصل الاجتماعي، إذ رفضت ناهد السباعي تقبيلها، أثناء مقابلتهما منذ أيام في مهرجان «القاهرة للفيلم القصير».

وقالت حورية فرغلي، في تصريحها لـ«المصري اليوم»: «كنت أول مرة في حياتي أقابلها، وأول مرة أشوفها وعمري ما قابلتها قبل كدا، وفرحت أوي إني شوفتها وكنت عايزة أحضنها وأبوسها وقولتلها ممكن أبوسك».

وتابعت حورية: «وهي زقتني وقالتلي لاء، ممكن تكون هي مبتحبش حد يبوسها، وأنا متأكدة إن هي أكيد قصدها مش وحش، لأن هي بنت ناس، وممكن تكون هي عملتها بطريقة مش قصدها وأنا بقنع نفسي إنه أكيد مش قصدها».

ناهد السباعي ترد على رفض تقبيل حورية فرغلي

وعن موقف ناهد السباعي، كتبت عبر حسابها بـ«انستجرام»، عن الموقف: «الموضوع كبر أوي، لكن أنا فاهمة تأثير أفعالي وعايزة أوضح الوضع المنتشر حاليًا، أنا بحترم كل زملائي في الصناعة وعمري ما ها أتسبب في أي إساءة عمدًا، وحابة أوضح سوء الفهم لأنني أنا متفاجئة من ردود الأفعال».

وأضافت: «بالنسبة للموضوع اللي حصل، أنا ما سلمتش لأنها كانت وسط مقابلة والكاميرا شغالة، وما حبتش أقطعها، كان رد فعل تلقائي وعشان كده قررت أكتب رد عام عشان الكل يفهم الموقف بعدين، إحنا سلمنا على بعض على المسرح».