عقبت الإعلامية رولا خرسا على عودة الفنانة شيرين عبد الوهاب الفنان حسام حبيب، طالبة من الجمهور عدم انتقاد شيرين بسبب قرار عودتها.

نشرت خرسا فيديو عبر حسابها الشخصي بانستجرام حيث قالت:" زعلانة عليها إن بيتم استغلالها بالطريقة دي، زعلانة لأنها بتدور على حد بتحاول تستأمنه وتتسند عليه وتحس إنه جنبها، حتى لو كان ده بتعمله من غير وعي وغلط وبتدمر نفسها وشغلها".

استكملت خرسا حديثها:" شيرين ضعيفة ويبدوا أنها شخص فعلًا عنده أزمات نفسية، بدل ما نقعد نتريق ونقول رجعوهم معناه إن البنزين هيغلى أو حاجة هتحصل، نفكر قد إيه الست دي قبل ما تكون فنانة هي غلبانة، غلبانة لدرجة إنها بترجع للي دمرها".

اختتمت خرسا حديثها:" أنا نفسي حد من الدكاترة المتخصصين اللي تعاملوا معاها يطلعوا يقولوا لينا إيه المشكلة، ولكن رفقًا بها ونفتكر إنها ضعيفة وغلبانة حتى لو هي بتدمر نفسها بلاش نجلدها وادعوا لها بالهداية".