انتقدت الفنانة جوري بكر سلوكيات بعض الشباب المترددين على الساحل الشمالي، معربة عن استيائها الشديد من استخدامهم المفرط للغة الإنجليزية في الحديث مع العاملين البسطاء داخل الكافيهات والمطاعم والمحال، وهو ما وصفته بأنه تصرف غير إنساني ولا يعكس روح التواضع أو الانتماء للمجتمع.

شاركت جوري فيديو بخاصية ستوري عبر  حسابها الشخصي بانستجرام قائله:" وأنا بكلم ابني، واحدة بتقولي ليه مش بتكلميه إنجليزي؟! دي تربية ابني يا جماعة، وكل واحد حر.. بس ليه في الساحل لازم نتكلم إنجليزي؟ ليه مانسهلش الدنيا؟".

استطردت بكر قائله:" أنا نفسي أوقات مش بفهم اللي بيتكلموا إنجليزي، فإزاي العامل البسيط اللي شغال وبيتعب؟ الناس دي محترمة وبتكافح علشان مصاريف الدراسة أو تجهيز الجواز".

وجهت جوري تحية للعمالة الشابة في الساحل الشمالي، مشيدة بأخلاقهم واجتهادهم، مضيفة: "أنا بفرح لما اللي بيحبوني يكونوا من الشيفات أو الجارسونات، لأن الناس دي بتشتغل بجد".

أنهت بكر حديثها برسالة عن أهمية احترام الذوق العام، قائلة: "لبس البحر مكانه البحر، مش ينفع أدخل عيادة ألاقي واحدة لابسة مايوه! لازم نراعي أن في كبار سن وأسر حوالينا".