أشعلت الفنانة حلا شيحة جدلا واسعا عبر مواقع التواصل الإجتماعى وذلك بعدما وجهت رسالة تحدثت من خلالها عن فكرة الانفصال وحق الطرفين فى البحث عن الراحة النفسية.

نشرت شيحة عبر حسابها الشخصي بانستجرام رسالة قالت فيها:" الست أو الراجل من حقهم يتطلقوا لو فعلاً مش مرتاحين، ومن حقهم يدوروا على شريك لحياتهم.. وده مش بيقلل أبدًا من حبهم لأولادهم".

أعربت  شيحة عن صدمتها في بعض الأشخاص، وكتبت:⁨ "تأملاتي ساعات بتخضني أنا شخصيًا بس عاوزة افهم بجد. في ناس في الحياة تحس انهم مفيش ريحة الدم كدة أو مفيش إحساس أصلا، في ناس برودهم مستفز فعلاً عارفين مثل ""يقتلوا القتيل و يمشوا في جنازته .. يعملوا العملة ويكملوا عادي ..الأعلى بقى “ظاهرا كلامهم عن ربنا تقول أهل الله أكيد بس تلاقي افعال حاجة تانية خالص”.

أضافت شيحة: “نوعية كدة فاكرين انهم تمام و هما ولا تمام ولا شايفين طريق التمام.ناس تعرفك لمصلحة معينة في دماغهم وبعدها يتحولوا أو يحولواااا ساعات انت بقي تقابل النوعية دي تبقي مش مصدق هو في كدة فعلاً ..وعادي ولا هما حاسين انهم كدة ولا حد قالهم ..فيقوم ربنا يحب يفوقهم فيبعت لهم رسايل بس بردو عادي شايفين انهم تمام والغلط مش فيهم ولا عندهم ومكملين بس أحلى حاجة انك تبقى خلاص شايفهم علي حقيقتهم ومكشوفين جدا، فتضحك وتشوفهم مرة صدفة من بعيد تلاقيهم عايشين بردو نفس الدور لسه، مكملين والهبل سايقين.. وعجبي علي رأي صلاح جاهين خدوا بالكوا يا جماعة ومهم قوي قبل ما ندخل ناس حياتنا نتأكد انهم يستاهلوا يكونوا في حياتنا”.

تستمر الفنانة حلا شيحة في توجيه النصائح الى جمهورها حول ضرورة الالتزام بتعاليم الدين والعودة الى الطريق الصحيح والتوبة الى الله، وذلك منذ ارتدائها الحجاب للمرة الثانية وإنشاء قناة خاصة بها على "يوتيوب" لنشر نصائحها الدينية عبرها.