نشرت الفنانة داليا البحيري عبر حسابها الخاص في "إنستجرام" فيديو خرجت به عن صمتها لتواجه منتقدي فيديوهاتها على مواقع التواصل الاجتماعي، بأسلوب ساخر يحمل الكثير من الرسائل الواضحة.

قالت البحيري:" بتضيّعوا وقتكم ليه؟ لو حد شايف اللي بنزّله حاجة سخيفة اعملي Unfollow، أو اعمل حاجة في حياتك تفيدك، ادخل نام مثلاً، ولو إنتي ست روحي ربّي عيالك في الخمس دقائق دول اللي كتبتيلي فيها حاجة، أو متعملش حاجة خالص وبحلق في السقف أفيد... دا نوع من أنواع العلاج النفسي،اسمعوا مزيكا أو اقروا قرآن".

علقت البحيري حول على الانتقادات المتعلقة بعدم ارتدائها الحجاب حيث قالت:" الناس اللي بتدخل تقول لي البسي الحجاب، انتوا مالكم؟ دع الخلق للخالق. ممكن اللي مش لابسة حجاب تكون عند ربنا أحسن من ناس كتير، بتعمل حاجات في السرّ  ممكن حد يكون شكلا قريب لربنا وهو مش كدا.. دع الخلق للخالق ".

يذكر أن آخر ظهور فني لداليا البحيري كان من خلال فيلم "أولاد حريم كريم"، الذي جاء في إطار كوميدي.

شارك في بطولة الفيلم نخبة من النجوم، أبرزهم مصطفى قمر، بسمة، علا غانم، خالد سرحان، عمرو عبد الجليل، بشرى، ومجموعة من الشباب مثل تيام مصطفى قمر، رنا رئيس، وهنا داود، الفيلم من تأليف زينب عزيز وإخراج علي إدريس.