أصدرت الفنانة المغربية جنات  أحدث أعمالها الغنائية بعنوان “اللي فاتو” عبر قناتها الرسمية على “يوتيوب”، لتواصل بذلك نشاطها الفني من خلال عمل يحمل طابعا عاطفيا ورسالة تدعو إلى تجاوز تجارب الماضي.

تعد الأغنية من كلمات وألحان مصطفى شكري، وتتناول فكرة التحرر من العلاقات التي انتهت، والتأكيد على أن الحياة تستمر رغم الخذلان والفراق، مع التركيز على قوة الإنسان في تجاوز الألم وعدم التوقف عند التجارب المؤلمة.

تقول كلمات أغنية "اللي فاتوا":

"مش أعز من اللي فاتوا

أو أعز من اللي ماتوا

قلبي عاشها قبل منو

وبعدو بردو يعيش حياتو

مش أعز من اللي كانوا

أو سايبلي فراغ مكانو

الوجود زي العدم

وأهو اتردم على ذكرياتو

مش أهم من الصحاب اللي باعوا زمان وخانوا

مش أهم من الحبايب اللي مشيوا وعادي هانوا

مش أهم من اللي باقي .. فرد من ضمن البواقي

مش مأثر لسه فيا مش هفضي الحياة عشانو

مش سايبلي خلاص علامة

جت سليمة وبالسلامة

الحوار ده كتير بيحصل

شفنا منو كتير وياما

حوش يعني من النوادر

عدى وقتو وقلبي قادر

ولو لمحتو في مرة عمري

ما اروح أسلم أو أبادر

زرع فاسد وانقلع

قلب واخد ع الطمع

متوجعتش بس هو

اللي عايش يتوجع

لسه هيحس بخسارته

مش هقول أبدا خسرتو

ده المكاسب يوم فراقو

والغلط كان يوم ما اخترتو"

وكان آخر ألبومات جنات "ألوم على مين"، الذي طرحته في صيف 2025، وضم 9 أغنيات هي "النص اللي يخص، أشيك واحدة، فات بكرة، مبسوطين، من الليلة، ألوم على مين، ماليش شبه، صبري طال، كاش كاش".

وتواصل جنات، بالتزامن مع طرح "اللي فاتو"، تحضيرات ألبومها الغنائي الجديد، واختيار الأغنيات والتعاونات التي ستقدمها خلال الفترة المقبلة.