حرص المنتج طارق الجناينى على دعم الفنانة هند صبرى، بعد تصريحات الفنانة مها نصار المثيرة للجدل، حيث زعمت إنها هند شنت حملات ضدها وضد الفنانة هدى الإتربى، على خلفية مشاركتها فى مسلسل «مناعة» الذى يعرض ضمن مسلسلات رمضان 2026.

وقال طارق الجناينى، فى منشور له عبر حسابه بموقع التواصل الاجتماعى «فيس بوك»:" قريت إمبارح شوية كلام فاضى يخص شخصية يحبها وبحترمها ودايماً بقول ان ليها فضل كبير عليا وعلى شركتي".

وأضاف:" هند صبرى أول شخص فى الصناعة دى صدق فيا ودعمنى لما قررت أدخل مجال الأنتاج وأنا تقريباً ماعرفش فيه حد، وفى الوقت اللى كانت هى نجمة مهمة تتمنى أى شركة أنها تشتغل معاها".

وتابع:" أول برنامج كبير أنتجته، كان برنامج «الشقة» الل قدمته هند صبرى، وكان فكرتها، أول مسلسل أنتجته، كان «عايزة أتجوز» وبرضه هى اللى أقترحت عليا الفكرة لما قرأت الكتاب بتاع غادة عبد العال، وعملنا برضه مع بعض مسلسل ڤيرتيجو ومسلسل إمبراطورية مين؟ ".

وأختتم حديثه:« أنا وهند ماشتغلناش مع بعض بقالنا حوالى 10 سنين بس ده عمره ما فرق فى الود والأحترام والصداقة الحقيقية، هند صبرى حقيقي مثال يحتذى بيه فى الثقافة والهدوء والألتزام والإحترافية، وأى حد أشتغل معاها فى ال، 20 سنة اللى فاتت يشهد بذلك».