خرج الملحن حسن الشافعي عن صمته بعد تداول خبر تضمّن اسمه وصورته وربطه بقضية تتعلق بالمواد المخدرة، مؤكدًا أنه فوجئ بالأمر أثناء سفره، بعدما تلقى العديد من الاتصالات والرسائل للاطمئنان عليه.

قال حسن الشافعي في فيديو نشره عبر حسابه في موقع التواصل الاجتماعي "إنستجرام: "بقالي يومين مسافر وفجأة تلفونات ومسجات مرعبة، إنت كويس؟ طمنا عليك يا رب تكون إشاعات".

استكمل حسن الشافعي: "فجأة اكتشفت إن أنا بطل قضية مخدرات في مصر .. كنت فاكره شخص عشوائي كتب حاجة على فيسبوك، والمرعب اكتشفنا إنها مؤسسة إعلامية لها صاحب ومدير تحرير بناس بتشتغل، إنهم يكتبوا خبر بالاسم والصورة على شخص ملوش علاقة بحاجة عشان معندهمش الوقت والمجهود يتعبوا نفسهم يشوفوا مين صاحب الموضوع، ولا معايير إعلامية، ومعتقدش اللي يعمل كده عنده أصلا مبادئ إنسانية".

وتابع: "حقي الشخصي هتعامل معاه بشكل قانوني تجاه المؤسسة دي، دي جريمة إعلامية وإرهاب إعلامي".

وجه حسن الشافعي رسالة للجهات المسؤولة قال فيها: "دي رسالة لنا كلنا للمجتمع اللي إحنا عايشين فيه، للبلد، للدولة كلها، لازم يبقى في تقنين للإعلام، وعقاب واضح عشان ده ميتكررش تاني".