عبر مؤدي المهرجانات حمو بيكا عن استيائه من التنمر والسخرية على المطرب حسن شاكوش  خلال الساعات الماضية، بعد تداول رواد مواقع التواصل الاجتماعي لمقطع فيديو يغني فيه «شاكوش» بجانب الفنان محمود الليثي.

وعلق حمو بيكا، عبر حسابه الرسمي بموقع التواصل الاجتماعي «فيسبوك» على السخرية من حسن شاكوش، قائلا: «من فضلكم لازم تسمعو ولا للتنمر اللي بيهزر وبيتريق على حسن شاكوش عشان صوته تعبان، أحب أقولكم حاجة: الرجولة مش بس صوت، الرجولة مواقف وصمود وشغل وتعب وشقى عشان يوصل».

وأضاف: «شاكوش أخويا، صاحبي، عشرة سنين، راجل شاف كتير ولسه واقف على رجليه، بيغني وهو تعبان، وبيعافر وهو مجهد، وده مش ضعف، ده قوة قلب ومعدن أصيل».

واستكمل حمو بيكا: «المطرب الحقيقي مش اللي صوته حلو وهو مرتاح، المطرب الحقيقي هو اللي بيغني من قلبه حتى لو صوته مجهد، وبيفرّح الناس حتى لو هو موجوع، الناس اللي قاعدة ورا الكيبورد تتريق، ولا واحد فيهم يقدر يقف دقيقة مكان الراجل ده في حياته، أنا واقف معاك يا شاكوش لآخر نفس، وكلنا عارفين إنك راجع أقوى، وده وعد من حمو بيكا قدام الدنيا كلها».

رد حسن شاكوش على منتقدي صوته

أصدر مطرب المهرجانات حسن شاكوش  توضيحًا بشأن مقاطع الفيديو المنتشرة له على مواقع التواصل الاجتماعي، وهو يغني بعد أن تعرض للسخرية بشكل كبير بسبب صوته وطريقة غنائه، مشيرًا إلى أنه يعاني من إصابة في الأحبال الصوتية.

وكتب شاكوش عبر حسابه على «إنستجرام»: «حبيت اوضح حاجة بس.. انا مبحبش اطلع وابين اني تعبان واقول على التعب اللي في صوتي والأحبال الصوتية عندي عاملة كده ف صوتي ومخلياني مش قادر اتكلم».

وتابع: «بس ده كان فرح اخويا الصغير نور التوت وكان لازم اجي على نفسي واغني لكن مقدرتش زي ما انتو شايفين».

وأوضح: «عشان بس الفيديوهات منتشرة والناس بتتريق وده من حقكم طبعا.. بس الواحد لما بيجيله دور برد عادي مبيقدرش يتكلم اصلا وده الفيديو كمان عندي اهو».