وجهت الفنانة رانيا فريد شوقي رسالة إشادة خاصة لصناع مسلسل صحاب الأرض، من خلال صفحتها الرسمية بالفيسبوك.

قالت رانيا فريد شوقي:" رغم كل اللي عشناه وشوفناه بعنينا على السوشيال ميديا من وجع ودمار وصور قاسية، بتيجي الدراما الحقيقية في توقيت فارق ومهم جداً عشان تنظم الفوضى دي وتحولها لرسالة حية.. للعالم وللتاريخ مسلسل أصحاب الأرض في رمضان 2026 جاي يفتح الستار عن اللي الكاميرات مالحقتش توثقه".

تابعت رانيا حديثها:" كل التقدير للشركة المتحدة وصناع العمل إنهم اختاروا المواجهة في اللحظة الصح، وبحقائق توجع وتصحي الوعي. لما الدراما بتقدم وثيقة حق وبتحول الوجع لرسالة كرامة، وبتفضح بشاعة الظلم في قلب كل جيل جديد.. هي دي مصر، ودي عظمة الفن المصري اللي دايمًا بيفضل السند، واللسان اللي بينطق باسم فلسطين بصدق مبيعرفش يداهن، وبيحكي الحكاية زي ما هي.. بدمها، بصمودها، وبكرامتها اللي مابتنكسرش، الحكاية لسه مخلصتش.. وفلسطين لأصحابها، و بأذن الله هما اللي يكتبوا النهاية".

تسلط  أحداث مسلسل صحاب الأرض الضوء على الحرب الفلسطينية، حيث تدور أحداثه حول قصة حب تنشأ بين طرفين خلال الحرب على غزة، حيث يتحول الأمل إلى سلاح خطير، ويصبح البقاء على الحياة شكلا من أشكال الإنتصار.

يضم فريق عمل مسلسل صحاب الأرض نخبة من النجوم منهم إياد نصار، ومنة شلبي، وعدد من الممثلين العرب منهم إياد حوراني، وكيرا يغنم، وكامل الباشا، وآدم البكري، والمسلسل من تأليف عمار صبري، وإخراج بيتر ميمي.