قال الفنان شريف خير الله إنه لا يبحث عن الترند بسبب منشوره الذي تحدث فيه عن قلة العمل خلال الفترة الحالية، مؤكدًا أنه عبر عن إحساس بداخله.

وقال شريف خير الله، خلال تصريحات تلفزيونية لبرنامج «الستات»: «أنا مش حاسس بالظلم، لكن حاسس بافتقاد الناس إني أستمتع وأمتعهم بشغلي، أنا مبدورش على ترند، بس باكتب حاجة حاسسها من جوايا بالاقي رد الفعل بتاعها عالي جدا ده نتيجة حب».

أضاف: «الناس بتحبني وصعبان عليها وحاسين إني مش واخد حقي، وإني موهبة شاطرة وقوية إحنا مش صغيرين ولينا تاريخ مشرف».

كان اسم الفنان شريف خيرالله، قد تصدر مواقع التواصل الاجتماعي، بعد حديثه عن قله العمل خلال الفترة الحالية.

وكتب شريف خير الله عبر حسابه الرسمي «فيسبوك»: «بذمتكم الراجل ده المصري الأصيل والموهبة الجبارة يبقي قاعد من غير شغل ..عيب والله».